సురేష్ గోపి. మళయాళంలో సూపర్ స్టార్. ఆయన బిజెపి అభిమాని కూడా. నరేంద్ర మోదీ ప్రభుత్వాన్ని ఆకాశానికి ఎత్తేస్తూ చాలా చోట్ల ప్రసంగాలు కూడా చేశారు. దీంతో మోదీ ఈ సూపర్ స్టార్ ని రాజ్యసభకు నామినేట్ చేసింది. అంతే కాదు.. వచ్చే ఎన్నికల్లో ఎంతో ప్రతిష్టాత్మకమైన తిరువంతనంతపురం నుంచి శాసనసభకు పోటీ చేసేందుకు టిక్కట్టు కూడా ఇవ్వాలనుకుంది.
ఇంతవరకూ బాగానే ఉంది. ఇక్కడే ఓ చిక్కు వచ్చి పడింది. అదేమిటంటారా.. సురేష్ గోపి అనేక సినిమాల్లో హీరోగా నటించారు. ఆ సినిమాల్లో విలన్లందరూ దాదాపుగా రాజకీయ నాయకులే. వీరిని ఉద్దేశించి హీరో సురేష్ గోపి అనేక డైలాగులు కూడా వేసేవాడు. అలాంటి ఓ డైలాగ్ ఇప్పుడు సామాజిక మాధ్యమాల్లో హల్ చల్ చేస్తోంది. అంతే కాదు.. ఈ డైలాగ్ సురేష్ గోపి రాజకీయ జీవితానికే ఇబ్బంది కలిగించేదాగా మారింది.
ఓ సిినిమాలో విలన్ దొడ్డిదారిన ఓ పదవిలోకి వస్తాడు. అతడ్ని ఉద్దేశించి హీరో సురేష్ గోపి బాగా డబ్బున్న ఎన్నారైలు, మద్యం వ్యాపారులు తమ దగ్గరున్న నల్లధనాన్ని ఎరగా చూపి పార్లమెంటుకి వెళ‌్తారని అంటారట. దీంతో ఆ డైలాగుని చాలా మంది సామాజిక మాద్యమాల్లో పోస్టు చేశారు. నేడో రేపో రాజ్యసభకు వెళ్లాలనుకుంటున్న హీరోకు ఇది తలనొప్పిగా మారింది. తెరపై మాత్రమే మేం హీరోలం.. ఆ తర్వాత మేము అదే బాపతు అంటాడేమో సురేష్ గోపి అని పోస్టులు పెడుతున్నారు. అందుకే వ్యక్తుల బతుకులు వారి వారి ఇష్టం.. పబ్లిక్ లో నిలబడితే ఏమైనా అంటాం అనే శ్రీశ్రీ మాటల్ని సినిమా వాళ్లు.. రాజకీయ నాయకులు గుర్తుపెట్టుకోవాలి.