షార్ట్ ఫిల్మ్ నటి హారికను దర్శకుడు యోగి వేధించినట్టు ఆరోపణలు వచ్చిన కేసు కొత్త మలుపు తీసుకుంది. ఈ వ్యవహారంలో పోలీసు స్టేషన్లో యోగిని కాలితో తన్నిన వీడియో బయటకు రావడంతో సంచలనం రేపింది. డీసీపీ గంగిరెడ్డిపై తీవ్ర విమర్శలు రావడంతో ఆతనిపై శాఖాపరమైన చర్యలు తీసుకున్నారు.
అయితే ఇప్పుడు తాజాగా మరో కొత్త ట్విష్ట్ చోటు చేసుకుంది. పోలీసులకు, తనదేమీ తప్పు లేదని, హారికదే తప్పని చెప్పేలా వాట్స్ యాప్ మెసేజ్ సాక్ష్యాలను యోగి పోలీసులకు అందించాడు. ఈ సంభాషణల్లో తాను వ్యక్తిగతంగా ఆనందంగా లేనని యోగికి హారిక మెసేజ్ పెట్టినట్టు ఉంది. తనకు ఓ యువకుడి తోడు కావాలని, అతను ప్రేమను పంచుతూ ఆప్యాయంగా చూసుకోవాలని ఆశిస్తున్నట్టు చెప్పింది.
ఆ బాయ్ ఫ్రెండ్ అంగీకరిస్తే, వేరే దేశానికి వచ్చేందుకు తాను సిద్ధమని కూడా చెప్పింది. అక్కడే కొంతకాలం హాయిగా బతకాలని ఉన్నట్టు చెప్పింది. తనకు సెక్స్ అక్కర్లేదని, కానీ, తనను చూసుకునే వాడికి అది కావాలంటే మాత్రం అభ్యంతరం లేదని చెప్పింది.
మళ్లీ పెళ్లి చేసుకుంటే కెరీర్ పరమైన ఇబ్బందులు ఎదురవుతాయని అభిప్రాయపడింది. మరో మెసేజ్ లో తాను సిగరెట్, మద్యం తాగుతానని, ఈ కాలంలో మడిగట్టుకుని కూర్చుంటే ఏం సాధిస్తామని ప్రశ్నించింది. తనకు సినిమా అవకాశాలు రావడం లేదని, అవకాశాల కోసం ఏం చేయడానికైనా సిద్ధమని చెప్పింది. ఈ మెసేజ్ ల స్క్రీన్ షాట్స్ ను పోలీసులకు పంపాడు యోగి. ఇప్పుడు కేసు ఎలాంటి మలుపు తిరుగుతుందో చూడాలి.