పవన్ కి చాలా తక్కువ మంది స్నేహితులు ఉన్నారు. తన ఆలోచనలకు, మనసుకు నచ్చిన వారితో గంటల తరబడి మాట్లాడుతారు. పవన్ ఒక్కసారి స్నేహితుడిగా స్వీకరిస్తే.. ప్రాణం పోయే వరకు స్నేహాన్ని వదలరు. అటువంటు స్నేహితులు పవన్ కి ఎవరు ఉన్నారంటే..
* అలీ గురించి పవన్ చాలా సార్లు చెప్పాడు. ఆలీ తన పక్కన ఉంటే సంతోషంగా ఉంటానని.. అలీ లేకుండా సినిమాలు చేయలేనని చాలాసార్లు చెప్పాడు.
* త్రివిక్రమ్, పవన్ ని కలిపిన విషయం పుస్తకాలు. ఇద్దరికీ పుస్తకాలంటే పిచ్చి. ఇద్దరూ ఎప్పుడు కలిసినా సాహిత్యం గురించి గంటల తరబడి మాట్లాడుకుంటుంటారు.
* సినీ రంగానికి చెందని ప్రాణ మిత్రుడు రాజు రవి తేజ. సమాజంలో మార్పు రావాలనే ఆలోచన రవిని పవన్ ని మిత్రులుగా చేశాయి. మీడియాకి దూరంగా ఉండే ఇతను జనసేన పార్టీ ఆవిర్భావ సభలో కనిపించారు.
* పీవీపీ (ప్రసాద్ వి పొట్లూరి).. ఈయన నిర్మాత మాత్రమే కాదు.. పవన్ కి మంచి ఫ్రెండ్.
* కళా దర్శకుడు ఆనంద్ సాయి.. “పవన్ లేకుంటే నేను లేను” అని పలు సందర్భాల్లో చెప్పుకున్నారు. పవన్, సాయి మధ్య అంత మంచి అనుబంధం ఉంది.
* వెంకటేష్ తో పవన్ కి చిన్నప్పటి నుంచి మంచి స్నేహం ఉంది. వెంకీ ఇంటికి తరచూ వెళ్తుండేవాడినని పవన్ వివరించారు.
* శరత్ మరార్ కి పవన్ కి మధ్య మంచి స్నేహం ఉంది. పవన్ ఆర్ధిక లావాదేవీలను శరత్ దగ్గరుండి చూసుకుంటుంటారు. “ఆయన (పవన్) నాకు కృష్ణుడు లాంటి వారు” అని శరత్ ఎంతో అభిమానంతో చెప్పారు.
* రేణు దేశాయ్, పవన్ ని పెళ్లి చేసుకున్నప్పటికీ.. పెళ్ళికి ముందు, విడాకులు తీసుకున్న తర్వాత కూడా ఇద్దరూ మంచి స్నేహితుల్లా ఉన్నారు.
* నర్రా శ్రీనివాస్.. పవన్ నటించిన అత్తారింటికి దారేది, గబ్బర్ సింగ్ సినిమాల్లో కామెడితో అదరగొట్టాడు. ఈయన కూడా పవన్ ప్రాణ స్నేహితుల్లో ఒకరు.