అడవుల్లో నివ‌శించే ఆదివాసీల సంప్రదాయాలు చిత్రంగా ఉంటాయి. ఒక్కో తెగ‌కు ఒక్కో సంప్ర‌దాయం ఉంటుంది. ఆ లాంటి సంప్రదాయాలు చేస్తె ఆశ్చ‌ర్య‌పోవాల్సిందే. సంప్రదాయ బ‌ద్దంగా వధువు మెల్లో తాలి క‌ట్టిన తర్వాత భార్య అవుతుంది. పిల్లు ఉన్నా లేకున్నా భార్య‌గా స్థానం ఉంటుంది. కాని ఒక గిరిజన తెగలో ఈ సంప్ర‌దాయం వింత‌గా ఉంటుంది.
తమిళనాడు అడవుల్లో నివసించే టోడ అనే గిరిజన తెగ సంప్రదాయాలు చూడటానికి, వినడానికి విచిత్రంగా ఉంటాయి. నీలగిరి అడవుల్లో ఉండే ఈ తెగ పెళ్లి విషయంలో వింత ఆచారాన్ని పాటిస్తారు.
టోడ గిరిజన తెగలో పెళ్లివేడుక సాధారణంగా నిర్వహిస్తారు. పెళ్లి తర్వాత వధువు, వరుడితో గడుపుతుంది. అనంతరం వధువు తన తల్లిదండ్రుల వద్దకు వెళ్లిపోతుంది. ఆ సమయంలో పెళ్లి కూతురు కచ్ఛితంగా నెల తప్పాల్సిందే. గర్భం ధరించకపోతే ఆ వివాహం చెల్లదు. నెల తప్పితే ఏడో నెలకు భర్త అడవికి వెళ్ళి పవిత్రంగా భావించే చెట్టు కాండంతో విల్లు, బాణం తయారు చేసి భార్యకు ఇస్తారు. ఆవస్తువులు భార్యకు నచ్చి తీసుకొంటే అతడిని భర్తగా అంగీకరించినట్లు. అంతేకాదు కడుపులో ఉన్న బిడ్డకు తండ్రిగా కూడా ఒప్పుకొంటుంది.
ఈ త‌తంగం పూర్త‌యిన తర్వాత విల్లు, బాణం వేడుకలు భారీ ఎత్తున జరుపుతారు. సంప్రదాయ నృత్యాలు పాటలతో ఘనంగా సంబరాలు చేసుకొంటారు. వేడుక‌ల అనంతరం పెద్ద‌ల ఆశీర్వాదంతో భార్యాభ‌ర్త‌ల్లా జీవితాంతం క‌ల‌సి ఉంటారు. విన్నారుగా ఈ తెగ పెళ్లి సంప్ర‌దాయం.