నిదహాస్ ట్రోఫీ ఫైనల్‌ హీరో దినేష్ కార్తీక్ ఆఖరి బాల్‌కు కొట్టిన సిక్స్ ఇప్పటికీ అందరికి కళ్లు ముందే కనిపిస్తోంది. ఈ సిక్స్‌కు ఫ్యాన్స్ కూడా ఫిదా అయిపోతున్నారు. కొంతమందైతే ఈ వీడియోను సోషల్ మీడియాలో కూడా షేర్ చేశారు. అయితే ఈ సూపర్ సిక్స్‌ను కెప్టెన్ రోహిత్ మాత్రం మిస్సయ్యాడట. అదేంటి రోహిత్ డ్రెస్సింగ్ రూమ్‌లోనే ఉన్నాడు కదా… ఎందుకు చూడలేకపోయాడా అనుకుంటున్నారా… నిజమేనట. మ్యాచ్ తర్వాత ఈ విషయాన్ని స్వయంగా చెప్పాడు. అంతేకాదు మరికొన్ని ఆసక్తికరమైన విషయాలు చెప్పాడు.
ఆ సమయంలో కార్తిక్ కొట్టిన సిక్స్‌ను ఎందుకు చూడ‌లేక‌పోయాడో చెప్పుకొచ్చాడు. మ్యాచ్ చివరి ఓవర్ జరుగుతోంది. లాస్ట్ రెండు బంతుల్లో ఐదు రన్స్ కావాలి. ఐదో బాల్‌కు శంకర్ ఔటయ్యాడు. అప్పటి టీమ్ స్కోర్ 162… ఇక మిగిలింది ఒక్క బంతి. స్ట్రైకింగ్‌లో కార్తీక్ ఉన్నాడు. ఎలాగైన ఫోర్ కొడాతాడని అనుకున్నా… అప్పుడు మ్యాచ్ ఎలాగూ డ్రా అవుతుంది. సూపర్ ఓవర్ తప్పదనుకున్నా… అందుకే ముందుగానే డ్రెస్సింగ్ రూమ్‌లోకి వెళ్లి ప్యాడ్‌లు కట్టుకుంటున్నాని చెప్పాడు రోహిత్. తర్వాత గ్రౌండ్‌లో గోల విని బయటికొస్తే కాని అసలు విషయం తెలియలేదట. కార్తీక్ సిక్స్ కొట్టి మ్యాచ్‌ను గెలిపించాడని. అందుకే ఆ అద్భుతమైన సిక్స్‌ను చూడలేదట.