దక్షిణాఫ్రికా గడ్డపై జరుగుతున్న వన్డే సిరీస్లో భారత కెప్టెన్ విరాట్ కోహ్లి, ఫాస్ట్ బౌలర్ కాగిసో రబాడ మధ్య ఆధిపత్య పోరు ఆసక్తికరంగా సాగుతోంది. క్రీజులో కోహ్లి ఉంటే.. వరుస షార్ట్ పిచ్ బంతులతో రబాడ కవ్విస్తుండగా.. విరాట్ కోహ్లి వాటిని హిట్టింగ్తో స్టాండ్స్లోకి తరలిస్తూ సమాధానమిస్తున్నాడు.
కేప్టౌన్ వేదికగా బుధవారం అర్ధరాత్రి ముగిసిన మూడో వన్డేలో చివరి ఓవర్ బౌలింగ్ చేసిన రబాడ.. ఆఖరి రెండు బంతులు కోహ్లికి స్ట్రైక్ రావడంతో షార్ట్ పిచ్ బంతుల్నే విసిరాడు. ఇప్పటికే 6 వన్డేల సిరీస్లో భాగంగా భారత్ 3-0తో ముందంజలో ఉంది.
తొలి వన్డే నుంచి ఈ తరహా కవ్వింపుల్ని చూస్తూ వచ్చిన విరాట్ కోహ్లి షార్ట్ పిచ్గా వచ్చిన 49.5 బంతిని ముందుగానే ఊహించి బ్యాక్ఫుట్పై వెళ్లి ఫుల్చేస్తూ మిడ్వికెట్ దిశగా సిక్స్ రూపంలో స్టాండ్స్లోకి తరలించేశాడు. దీంతో ఖంగుతిన్న రబాడ.. ఆఖరి బంతిని షార్ట్ పిచ్గా వేసే ధైర్యం చేయలేకపోయాడు. మిడాఫ్లో ఫీల్డర్ దగ్గరగా ఉండటంతో ఫుల్ డెలివరీ విసరగా.. ఆ ఫీల్డర్కి దొరక్కుండా రబాడ పక్కనుంచే ఆఖరి బంతిని కోహ్లి బౌండరీకి తరలించాడు.
మూడో వన్డేలోనే కాదు.. డర్బన్ వేదికగా జరిగిన తొలి వన్డేలోనూ కోహ్లిను ఇవే షార్ట్ పిచ్ బంతులతో రబాడ తెగ ఇబ్బందిపెట్టాడు. ఒక బంతి శరీరానికి బలంగా తాకడంతో నొప్పితో కెప్టెన్ విలవిలలాడిపోయాడు. ఆ తర్వాత కూడా ఆ బంతులే వరుసగా సంధిస్తుండటంతో ఓ బంతిని.. డీప్ ఫైన్లెగ్ దిశగా స్టాండ్స్లోకి ఆప్పుడు కోహ్లి తరలించేశాడు. బౌలింగ్తో పాటు.. కవ్వింపులకు పాల్పడే నైజమున్న రబాడ.. గత ఏడాది ఇలానే ఇంగ్లాండ్ ఆల్రౌండర్ బెన్స్టోక్స్తో కయ్యానికి దిగుతూ నోరుజారి ఒక మ్యాచ్ సస్పెన్షన్కి గురయ్యాడు.