స్టైలిష్ స్టార్ అల్లు అర్జున్ వరస సినిమాలతో చాలా బిజీగా ఉన్నాడు. ప్రస్తుతం హరీష్ శంకర్ దర్శకత్వంలో డీజే(దువ్వాడ జగన్నాధమ్) సినిమాలో నటిస్తున్నాడు. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ సినిమాకి సంబంధించి ఈ నెల 18న చిత్రం ఫస్ట్ లుక్ ను విడుదల చేయడానికి ప్లాన్ చేస్తున్నారు.
ఇంకా ఈ సినిమా పూర్తికాకుండానే అల్లు అర్జున్ మరో సినిమాకు సైన్ చేశాడు. రచయిత వక్కంతం వంశీ దర్శకత్వంలో ఒక సినిమాకి సైన్ చేశాడు. దర్శకుడుగా ఆయనకు ఇదే మొదటి సినిమా. లగడపాటి శ్రీధర్ నిర్మిస్తున్న ఈ సినిమాకు నా పేరు సూర్య.. నా ఇల్లు ఇండియా అనే టైటిల్ ఖరారు చేసినట్లు గుసగుసలు వినిపిస్తున్నాయి. మరికొన్ని టైటిల్స్ ప్రచారంలో ఉండగా ఈ టైటిల్ అల్లు అర్జున్ కి నచ్చింది అని వినికిడి. లింగుస్వామి దర్శకత్వంలో చెయ్యబోయే సినిమాతోనే ఈ సినిమా కూడా సెట్స్ మీదకు వెళ్తుందని ఫిలింనగర్లో చర్చ జరుగుతోంది.
Related