చిన్న ఆర్టిస్ట్గా మొదలై స్టార్ ప్రొడ్యూసర్గా ఎదిగాడు బండ్ల గణేశ్. పరమేశ్వరా ఆర్ట్స్ ప్రొడక్షన్ పెట్టి ఎన్నో భారీ చిత్రాలను నిర్మించాడు బండ్ల గణేశ్. ఆ తర్వాత రాజకీయాల్లోకి వచ్చి అక్కడ కూడా ఎంతో వివాదాస్పదం అయ్యాడు. ఇదిలా ఉంటే బండ్ల గణేశ్ పవర్స్టార్కు వీరాభిమాని. ప్రతి ఆడియో ఫంక్షన్లో, ఇంటర్వ్యూలో సందర్భంగా వచ్చిన ప్రతిసారి పవన్ కల్యాణ్ను ఆకాశానికి ఎత్తేస్తుంటాడు బండ్ల గణేశ్.
ఇటీవల వకీల్ సాబ్ ప్రీ రిలీజ్ ఫంక్షన్లోనూ పవన్ కల్యాణ్ను పొగడ్తలతో ముంచెత్తాడు. ఈ టైంలోనే పవన్ కల్యాణ్ తన దేవర అంటూ సంబోధించాడు. టెంపర్ చిత్రం తర్వాత బండ్ల గణేశ్ సినిమాలకు కొంచెం బ్రేక్ ఇచ్చాడు. అయితే ఇటీవల త్వరలోనే పవన్ కల్యాణ్తో ఓ మూవీ తీస్తానని ప్రకటించి అందరినీ ఆశ్చర్యపరిచాడు. బండ్ల గణేశ్ తీయబోయే కొత్త సినిమాకు ‘దేవర’ టైటిల్ను పరిశీలించాలని ఫ్యాన్స్ కోరుతున్నారు. ఈ మేరకు బండ్ల గణేశ్కు ట్విట్టర్లో రిక్వెస్ట్లు హోరెత్తుతున్నాయి.
Also Read: ఆ ఇద్దరు హీరోల రేంజ్ ఎక్కడికో.. !
పవన్ కల్యాణ్తో తీయబోయే సినిమాకు దేవర టైటిల్ను ఫిక్స్ చేయాలని కోరారట. దీనికి బండ్ల గణేశ్ కూడా ఓకే అన్నట్టుగా థంబ్స్ఆప్ సింబల్తో రిప్లై ఇచ్చాడు. దీంతో ఈ టైటిల్ ఫైనల్ అయినట్టు పవన్ ఫ్యాన్స్ చర్చించుకుంటున్నారు. ప్రస్తుతం పవన్ కల్యాణ్ హరిహర వీరమల్లు, అయ్యప్పనుమ్ కోషియమ్ చిత్రాల్లో నటిస్తున్నాడు. ఆ తర్వాత గబ్బర్ సింగ్ కాంబినేషన్ లో మరో చిత్రం ఉంది. ఈ సినిమాలు పూర్తయిన తర్వాత బండ్ల గణేశ్తో మూవీకి పవన్ చాన్స్ ఇచ్చే ఉంది.