రజనీకాంత్ అల్లుడిగా మాత్రమే కాక.. ప్రముఖ నటుడు, రచయిత, సింగర్గా కూడా ధనుష్ తెలుగు ప్రేక్షకులకు సుపరిచితుడయ్యాడు. తమిళనటుడైన ధనుష్.. బాలీవుడ్, హాలీవుడ్ చిత్రాల్లో నటించి మంచి పేరు తెచ్చుకున్నాడు. ధనుష్ మల్టీ ట్యాలెంటెడ్ హీరో అన్న విషయం తెలిసిందే. కేవలం మాస్ సినిమాలు మాత్రమే కాకుండా.. కొత్త తరహా కథలను ఎంచుకుంటూ ముందుకు సాగాడు. శేఖర్ కమ్ముల డైరెక్షన్లో ధనుష్ ఓ సినిమా చేయబోతున్నాడు.
ఈ చిత్రం పాన్ ఇండియా మూవీగా తెరకెక్కబోతున్నది.
ధనుష్ తాజాగా ఓ అరుదైన ఘనత సాధించాడు. ట్విట్టర్లో 10 మిలియన్ ఫాలోవర్లను సాధించాడు. రజనీకాంత్, విజయ్, కమల్ హాసన్, సూర్య వంటి అగ్రహీరోలకు సైతం ఈ రేంజ్లో ఫాలోయింగ్ లేదు. దీంతో ధనుష్ అభిమానులు ఖుషీ అవుతున్నారు. ట్విట్టర్లో 10 మిలియన్ల మంది ఫాలోవర్స్ సంపాదించిన తొలి తమిళ నటుడుగా ధనుష్ రికార్డులకు ఎక్కాడు.ట్విట్టర్లో #10MillionFollowersForDhanush అనే అనే హ్యాష్ట్యాగ్ను ట్రెండ్ చేస్తున్నారు ధనుష్ ఫ్యాన్స్.
Also Read: బండ్ల గణేశ్.. పవర్స్టార్ మూవీ టైటిల్ ఇదేనా? ఫ్యాన్స్ డిమాండ్
ప్రస్తుతం కార్తీక్ నరేన్ దర్శకత్వం వహించబోయే తన 43వ చిత్రంలో ధనుష్ నటిస్తున్నాడు. హిందీలో అక్షయ్ కుమార్ తో కలిసి ‘అట్రాంగి రే’ లో నటన పూర్తి చేసాడు. మొత్తానికి ధనుష్ ఈ ఘనత సాధించడం నిజంగా గర్వ కారణమే. కోలీవుడ్ తో పాటు బాలీవుడ్, హాలీవుడ్, టాలీవుడ్లో ధనుష్కు ఫ్యాన్స్ ఉండటంతో ఈ ఘనత సాధ్యమైందని అంటున్నారు సినీ విశ్లేషకులు.
Also Read: ప్రభాస్ ఫ్యాన్స్ కి గుడ్ న్యూస్.. రాధే శ్యామ్ తాజా అప్డేట్ ఏమిటంటే ..!