తమిళ దర్శకుడు, మాస్ ప్రేక్షకులను ఉర్రూతలూగించేలా సినిమాలు తెరకెక్కించే లింగుస్వామి దర్శకత్వంలో రామ్ పోతినేని నటిస్తున్న విషయం తెలిసిందే. లింగుస్వామి డైరెక్షన్ అనగానే ఈ సినిమాపై భారీ అంచనాలు ఏర్పడ్డాయి. గతంలో పందెం కోడి, రన్, ఆవారా వంటి మాస్ చిత్రాలను తెరకెక్కించాడు లింగుస్వామి. లింగుస్వామి చిత్రాల్లో హీరోలు ఊరమాస్లా కనిపిస్తుంటారు. ఇక యాక్షన్ సన్నివేశాలకు కొదవే ఉండదు. ఎంతో సహజంగా మాస్ సన్నివేశాలను తెరకెక్కించడం.. పల్లెటూరు వాతావరణాన్ని ఎంతో సహజంగా కళ్లకు కట్టినట్టు చూపించడం లింగుస్వామి ప్రత్యేకత.
గతంలో కేవలం లవర్ బాయ్గా తరహా పాత్రలను మాత్రమే రామ్ ఒప్పుకొనేవాడు. కానీ ఇస్మార్ట్ శంకర్లో మాస్ లుక్స్తో అదరగొట్టాడు. ఈ చిత్రం సూపర్ సక్సెస్ అయింది. దీంతో లింగుస్వామి డైరెక్షన్లో ఓ చిత్రంలో చేయబోతున్నాడు. అయితే ఈ సినిమాకు ‘ఉస్తాద్’ టైటిల్ను ఖరారు చేశారట. అంతేకాక ఈ చిత్రంలోరామ్ డ్యూయల్ రోల్ చేయబోతున్నట్టు సమాచారం.
Also Read: అన్నా మీ నంబర్ ఇవ్వండి.. తేజ్ ఫన్నీ ఆన్సర్..!
పవర్ఫుల్ పోలీస్ ఆఫీసర్, డాక్టర్గా కనిపించబోతున్నాడట. అయితే పోలీస్ పాత్ర ఎంతో సహజంగా ఉంటుందని సమాచారం. ఇప్పటికే షూటింగ్ ప్రారంభమయింది. ఈ సినిమాపై రామ్ ఫ్యాన్స్ ఎన్నో ఆశలు పెట్టుకున్నారు. ఇస్మార్ట్ శంకర్ తర్వాత రామ్ నటించిన రెడ్ మూవీ పెద్దగా ఆడలేదు. దీంతో ఈ సినిమాపైనే ఆశలు పెట్టుకున్నారు ఫ్యాన్స్.
Also Read: ఆ ఇద్దరు హీరోల రేంజ్ ఎక్కడికో.. !