తెలుగులో ఘనవిజయం సాధించిన ఛత్రపతి సినిమాను హిందీలోకి రీమేక్ చేస్తున్న విషయం తెలిసిందే. ఈ హిందీ రీమేక్ లో తెలుగు యువ హీరో బెల్లంకొండ శ్రీనివాస్ నటిస్తున్నాడు. ఈ మూవీ ద్వారానే బెల్లంకొండ బాలీవుడ్కు ఎంట్రీ ఇవ్వబోతున్నాడు. ఈ చిత్రానికి రాజమౌళి తండ్రి, ప్రముఖ సినీ కథా రచయిత విజయేంద్రప్రసాద్ చిత్రానికి కథ అందించిన విషయం తెలిసిందే.
ప్రస్తుతం ఈ మూవీబాలీవుడ్లో తెరకెక్కిస్తుండంతో కొన్ని మార్పులు చేయబోతున్నట్టు సమాచారం. ప్రస్తుతం విజయేంద్ర ప్రసాద్ ఈ పనిమీదే ఉన్నారు. ఇక ఈ సినిమాకు మాస్ చిత్రాల దర్శకుడు వీవీ వినాయక్ దర్శకత్వం వహిస్తున్నాడు. ఈ సినిమా షూటింగ్ మొదలు కావాల్సింది. . కానీ లాక్డౌన్తో ఆగిపోయింది. అయితే ప్రస్తుతం ఈ మూవీని పట్టాలెక్కించాని చూస్తున్నారట నిర్మాతలు . ఇందుకోసం బెల్లంకొండ శ్రీనివాస్ తన ఇంట్లో కసరత్తుల చేస్తున్నారట. సినిమా కథకు అనుగుణంగా ఆయన మారిపోబోతున్నారట.
ఇక ఈ మూవీ కోసం బెల్లంకొండ హిందీ కూడా నేర్చుకుంటున్నారని టాక్. హిందీ కోచ్ ఇంతియాజ్ దగ్గర కోచింగ్ తీసుకుంటున్నాడు. భారీ బడ్జెట్తో పెన్ స్టూడియోస్ పతాకంపై జయంతిలాల్ గడ ఈ సినిమాను నిర్మిస్తున్నారు. యువ హీరోలందరూ పాన్ ఇండియా మూవీలతో బాలీవుడ్లో సత్తా చాటాలని చూస్తుండగా, బెల్లంకొండ ఛత్రపతి మూవీ ద్వారా బాలీవుడ్ లో తన అదృష్టాన్ని పరీక్షించుకోబోతున్నాడు.