ఎవరైనా భారీ బడ్జెట్ సినిమా తెరకెక్కిస్తుంటే సంతోషిస్తారు. ఎందుకంటే పేరుకు పేరు డబ్బుకు డబ్బు వస్తాయి. ప్రస్తుతం భారీ బడ్జెట్ సినిమాలంటే పాన్ ఇండియా మూవీలే.. సో దేశ వ్యాప్తంగా వాళ్ల పేరు మారుమోగిపోతుంది. అటువంటి ఆఫర్లు మళ్లీ వస్తాయి. ఇక కమల్ హాసన్ ఎంత గొప్ప నటుడో ప్రత్యేకంగా చెప్పనక్కర్లేదు. దేశ విదేశాల్లో ఆయనకు ఫ్యాన్స్ ఉన్నారు. ఎటువంటి పాత్రనైనా అలవోకగా చేయడం కమల్ స్టయిల్. కమల్ హాసన్ రొటిన్ ఫార్ములాలు, కమర్షియల్ సినిమాలు కాకుండా విభిన్న కథాంశాలను ఎక్కువగా ఇష్టపడుతుంటాడన్న విషయం తెలిసిందే.
కమల్ హాసన్.. శంకర్ కాంబినేషన్లో ఇండియన్- 2 సినిమా మొదలైన విషయం తెలిసిందే. ఈ చిత్రాన్ని ప్రముఖ సంస్థ లైకా నిర్మిస్తోంది. ఇండియన్ ఆ రోజుల్లోనే దేశవ్యాప్తంగా ఎంతో హిట్ అయ్యింది. దీంతో ఇన్నేళ్లకు ఇండియన్ -2ను ప్లాన్ చేశారు. కానీ ఈ సినిమాను ఏ ముహుర్తాన మొదలు పెట్టారో కానీ.. ఆరంభం నుంచి ఆటంకాలే ఎదురయ్యాయి. ప్రస్తుతం నిర్మాతలు, దర్శకుడు శంకర్ మధ్య వివాదం నెలకొని చిత్ర షూటింగ్ ఆగిపోయింది. దీంతో కమల్ దిక్కుతోచని స్థితిలో పడిపోయాడు.
Also Read: స్టార్ హీరోలూ.. రెమ్యూనరేషన్ కాస్త తగ్గించుకోండి బాబూ..
ఈ సినిమాను వదిలేసి మరో ప్రాజెక్టు ఒప్పుకుందామంటే.. సడెన్గా వివాదాలు తలెత్తాయి. అయినప్పటికీ ఓ సినిమాను ఒప్పుకున్నాడు కమల్. ‘విక్రమ్’ అనే మరోసినిమా తెరకెక్కించాల్సి ఉంది. అయితే ఇండియన్-2 లాగే ఇది కూడా భారీ ప్రాజెక్ట్.. ఒకవేళ విక్రమ్ ప్రారంభించాక.. మళ్లీ ఇండియన్- 2కు లైన్ క్లియర్ అయితే.. ఈ ప్రాజెక్టును ఆపాల్సి వస్తుంది. డేట్స్ కుదరవు. దీంతో ఇండియన్ -2 విషయం ఏమిటో తేలాకే .. ఈ సినిమా గురించి ఆలోచించాలని కమల్ నిర్ణయించుకున్నాడు.
అయితే ఈ గ్యాప్లో దృశ్యం-2 రీమేక్ లో నటించాలని కమల్ భావిస్తున్నారట. మలయాళంలో జీతూ జోసెఫ్ డైరెక్షన్లో వచ్చిన దృశ్యం సూపర్ హిట్ అయ్యింది. ఈ చిత్రాన్ని తమిళంలో రీమేక్ చేస్తే.. హిట్ అయ్యింది. అయితే జోసెఫ్ మలయాలంలో దృశ్యం-2ను తెరకెక్కించి హిట్ కొట్టాడు. తమిళంలో కూడా ఈ మూవీని తెరకెక్కించాలని చూస్తున్నాడట. కమల్కు కూడా గ్యాప్ రావడంతో జీతూ జోసెఫ్ తొందరగా షూటింగ్ పూర్తి చేస్తాడు కాబట్టి.. ఈ మూవీలో నటించేందుకు అంగీకరించాడట.
Also Read: కమల్తో గౌతమి జత కడుతుందా?