బ్రూస్లీ సినిమాలో ‘జస్ట్ టైమ్ గ్యాప్ అంతే.. టైమింగ్ లో గ్యాప్ ఉండదు..’ అనే డైలాగ్ చిరు చెప్పిన విషయం తెలిసిందే. ఇప్పుడది నిజం చేసి చూపించారు. పదేళ్ల తర్వాత చిరు హీరోగా చేస్తున్న సినిమా ఖైదీ నంబర్ 150. ఈ సినిమా ప్రారంభానికి కాస్త టైం తీసుకుంది కానీ.. విడుదల విషయంలో ఒక్క రోజు కూడా లేటు ఆలస్యం కాకుండా చుసుకుంటున్నారు.
పక్కా ప్లాన్ తో సంక్రాంతికి రిలీజ్ చేసేలా ఈ సినిమాని కంప్లీట్ చేస్తున్నారు. మాస్ దర్శకుడు వివి వినాయక్ డైరెక్షన్ లో తెరకెక్కుతున్న ఈ ఖైదీ నంబర్ 150 నేడు (గురువారం) సెన్సార్ బోర్డు సభ్యుల వద్దకు వెళ్ళింది. ఎటువంటి కట్స్ లేకుండా యూఏ సర్టిఫికెట్ అందుకుని సంక్రాంతి బరిలోకి రాబోతుంది. కాజల్ అగర్వాల్ హీరోయిన్ గా నటిస్తున్న ఈ సినిమాని జనవరి 11 న ప్రేక్షకుల ముందుకు తీసుకురావడానికి నిర్మాత రామ్ చరణ్ తేజ్ అన్ని ఏర్పాట్లు పూర్తి చేస్తున్నారు. సెన్సార్ పూర్తి కావడంతో.. ఇక సినిమా యూనిట్ ఇతర ప్రచార కార్యక్రమాలతో పాటు, జనవరి 4 న జరగబోయే.. ప్రీ రిలీజ్ పంక్షన్ కోసం అన్ని ఏర్పట్లు చేసుకుంటున్నారు.
Related