ఇప్పుడు సెన్సార్ టాక్.. పబ్లిసిటీ వ్యవహారంగానే అయ్యింది. సెన్సార్ సభ్యులు తమ సినిమా చూసి బాగుందన్నారని ప్రచారం చేసుకుంటూ పబ్లిసిటీ మొదలు పెడుతారు సినిమా జనాలు. ఈ సంక్రాంతికి రాబోతున్న ‘ఖైదీ నెంబర్ 150’ సినిమాకి సంబంధించి సెన్సార్ టాక్ అంటూ ఓ రిపోర్ట్ బయటకి వచ్చింది. మెగా ఫ్యాన్స్ ఈ రిపోర్టును సోషల్ మీడియాలో తెగ షేర్ చేసుకుంటున్నారు. అయితే ఈ చిత్రం చూడడానికి ఎప్పుడూ లేనంతగా మొత్తం 18 మంది సెన్సార్ సభ్యులూ ఈ సినిమాని చూసారట.
సినిమా పూర్తయ్యాక మొత్తం అందరూ లేచి నిలబడి చప్పట్లతో అభినందించారట. మెగాస్టార్ యాక్టింగ్కు, డ్యాన్స్లకు అందరూ ఫిదా అయ్యారట. సంక్రాంతి కానుకగా విడుదల కాబోతున్న ఈ చిత్రం సెన్సార్ తాజాగా పూర్తయింది. యు బై ఏ సర్టిఫికెట్ దక్కించుకున్న ఈ సినిమా 147నిముషాలు రన్ టైమ్ కలిగి ఉంది. రైతుల బ్యాక్ డ్రాప్లో తెరకెక్కింది ఈ సినిమా.
ఈ సినిమాలో చిరు ద్విపాత్రాభినయంలో కనిపిస్తాడు. దాదాపు 9ఏళ్ల తర్వాత కనిపించినా.. చిరంజీవి స్క్రీన్ అప్పియరెన్స్, మేజిక్ ఏమాత్రం తగ్గలేదట. నటన, డ్యాన్స్లు, కామెడీ టైమింగ్లో చిరంజీవి అద్భుతంగా కనిపించాడని సెన్సార్ వర్గాలు చెప్పాయట. ఈ వయసులో కూడా మెగా స్టార్ చిరంజీవి ఈ చిత్రంలో మరీ యంగ్ గా కనిపించడం మెగా ఫ్యాన్స్ కె కాదు యావత్ ప్రేక్షకులకు కూడా షాకిచ్చేలా ఉంటాడట. మొత్తంగా చిరు చిత్రం సూపర్ హిట్ అన్నది పక్కా అంటున్నారు. ఇక రికార్డుల మోత ఏ రెంజ్ లో ఉంటుందో చూడాలి.
Related