తమిళ అగ్ర కథానాయకుడు అజిత్కు తెలుగులో కూడా మార్కెట్ ఉందన్న విషయం తెలిసిందే. ప్రస్తుతం అజిత్ తమిళ్ లో హెచ్ వినోద్ దర్శకత్వంలో వలిమై అనే చిత్రంలో నటిస్తున్నాడు. ఈ మూవీని తెలుగులో సైతం విడుదల చేసే అవకాశం ఉంది. ఇందులో ఆర్ఎక్స్ 100 ఫేమ్ కార్తికేయ విలన్గా చేస్తున్నాడు. మాస్ , కమర్షియల్ చిత్రాలను తెరకెక్కించే వినోద్.. ఈ సారి కూడా ఓ విభిన్నమైన కథాంశంతో వస్తున్నట్టు సమాచారం.
వలిమైలో కార్తికేయ పాత్ర చిత్రన, ఆయన వేషధారణ చాలా డిఫరెంట్ గా ఉంటుందని తమిళ మీడియాలో టాక్ వినిపిస్తోంది. ఒక వేళ ఈ మూవీ సక్సెస్ అయితే కార్తికేయకు విలన్ గా అవకాశాలు వెల్లువెత్తే అవకాశం ఉందని కూడా టాక్ వినిపిస్తుంది. కార్తికేయ విభిన్న కథలను, విభిన్న పాత్రలను ఎంచుకుంటూ ముందుకు సాగుతున్నాడు. ఆర్ఎక్స్ 100, 90 ఎంఎల్, చావు కబురు చల్లగా.. ఇలా అన్ని సినిమాల్లోనూ కాస్త విభిన్న తరహా పాత్రలనే ఎంచుకుంటున్నాడు కార్తికేయ.
కాగా,వలిమై మూవీకి సంబంధించి మరో ఆసక్తికరమైన విషయం వెలుగు చూసింది. అదేమిటంటే ఈ చిత్రంలో తల్లి సెంటిమెంట్ ను ప్రధాన అంశంగా చూపించబోతున్నారట. అజిత్ గత చిత్రం విశ్వాసంలో కుమార్తె సెంటిమెంట్ పెట్టిన విషయం తెలిసిందే. ఈ సారి తల్లి సెంటిమెంట్ ను ముందుకు తీసుకురాబోతున్నారు. ఈ మూవీ కోసం అజిత్ ఫ్యాన్స్ ఆసక్తిగా ఎదురుచూస్తున్నారు.
Also Read