పవర్ స్టార్ పవన్ కళ్యాణ్ చెప్పిన “ఒక్కోసారి రావడం లేటవుతుంది కాని.. రావడం మాత్రం పక్కా” డైలాగ్ అందరికి గుర్తుండే ఉంటుంది. ఇప్పుడు ఈ డైలాగ్ ను తన నిజ జీవితంలో నిజం చేస్తున్నాడు. హిట్ కొట్టడంలో అయిన.. కొత్తగా రాజకీయ పార్టీలు పెట్టడం అయిన… రావడం లేటైంది కాని.. రావడం మాత్రం పక్కా అన్న విధంగా చేస్తున్నాడు పవన్.
ఇప్పుడు ఈ కోవలోనే మరో విషయం జరిగింది. అప్పట్లో యాంకర్ సుమకు ఇచ్చిన ఓ ఇంటర్వూ లో పవన్.. ట్విట్టర్ లో ఏముంది.. రోజూ తిన్నావా.. టిఫిన్ చేశావా అంటూ అప్డేట్లు పెట్టడం తప్పించి.. అంటూ కామెంట్ చేశాడు. కానీ.. పవన్ తన అభిప్రాయాన్ని మార్చుకొని ట్విట్టర్లోకి వచ్చాడు.
ఇప్పుడు ఏకంగా 1 మిలియన్ ఫాలోవర్లను దక్కించుకున్నాడు. మాములుగా అసలు పవన్ కళ్యాణ్ చాలా తక్కువగా మాట్లాడుతాడు. ఇక తన ట్వీట్లు కూడా కేవలం తన రాజకీయ ప్రయాణంలో ప్రజల కోసం తను అడగాల్సిన ప్రశ్నలనే ఎక్కువగా సంధిస్తుంటాడు. అందుకే ఆయన 1 మిలియన్ ఫాలోవర్స్ అనే విషయాన్ని కూడా ప్రచారం చేయడు. కాకపోతే ఫ్యాన్స్ ఉరుకోరుగా.. వారు మాత్రం ఎప్పుడులాగే పండగ చేసుకుంటున్నారు.
Related