బాలీవుడ్ నటుడు ఆమిర్ ఖాన్, టాలీవుడ్ హీరో అక్కినేని నాగ చైతన్య కలిసి నటించిన చిత్రం లాల్ సింగ్ చద్దా. ఈ చిత్రం విడుదల డేట్ ను మేకర్స్ మార్చారు. ‘లాల్ సింగ్ చద్దా’ సినిమాను ముందు ఏప్రిల్ 14న విడుదల చేయబోతున్నట్టు ప్రకటించారు. కానీ, పోస్ట్ ప్రొడక్షన్ వర్క్స్ పూర్తి కాకపోవడంతో ఈ చిత్రాన్ని ఆగస్ట్ 11న విడుదల చేయబోతున్నట్టు ప్రకటించారు.
అయితే అదే రోజు పాన్ ఇడియన్ స్టార్ ప్రభాస్ నటించిన ‘ఆదిపురుష్’ విడుదల కావాల్సి ఉంది. అయితే లాల్ సింగ్ చద్దా కోసం ఆదిపురుష్ చిత్రాన్ని వాయిదా వేయడం విశేషం. ఈ విషయాన్ని తాజాగా ఆమిర్ ఖాన్ సోషల్ మీడియా ద్వారా వెల్లడించారు. ‘ఆదిపురుష్’ సినిమాను వాయిదా వేస్తున్న దర్శక – నిర్మాతలకు కృతజ్ఞతలు తెలుపుతున్నానని అమీర్ఖాన్ పోస్టు పెట్టారు.
దీంతో ప్రభాస్ ‘ఆదిపురుష్’ సినిమాకి సంబంధించిన కొత్త రిలీజ్ డేట్ను త్వరలోనే ప్రకటించే అవకాశాలున్నట్టు తెలుస్తోంది. బాలీవుడ్ దర్శకుడు ఓం రౌత్ రూపొందిస్తున్న ఈ చిత్రంలో ప్రభాస్ రాముడుగా, కృతి సనన్ సీతగా కనిపించబోతున్నారు. సైఫ్ అలీఖాన్ రావణ్ పాత్రలో సన్నీ సింగ్ లక్ష్మణుడుగా నటిస్తున్నారు. ఇక ఇది ప్రభాస్ మొదటి స్ట్రైట్ హిందీ సినిమా కావడం విశేషం.