మన దేశాన్నే కాదు.. ప్రపంచాన్నే ఒక్కసారి తన కన్నుకొట్టి కుర్రకారు గుండెల్లో చెరగని ముద్ర వేసుకున్న కేరళ కుట్టి ప్రియా ప్రకాశ్ వరియర్. చిన్న పెద్దా ఈ బ్యూటీకి ఫిదా అయ్యారు. ఏ స్టార్ హీరోయిన్ కి రాని క్రేజ్ ఈ అమ్మడికి వచ్చింది. ఆ తర్వాత పలు సినిమాల్లో ఛాన్స్ వచ్చినా పెద్దగా పట్టించుకోలేదు. కానీ ఈ మద్య వరుసగా అన్ని భాషా చిత్రాలకు సై అంటుంది ప్రియా వారియర్.
తాజాగా నితిన్ హీరోగా నటిస్తున్న ‘చెక్’ సినిమాలో నటిస్తూ, టాలీవుడ్ లో రంగ ప్రవేశం చేసి, తన అదృష్టాన్ని పరీక్షించుకోవాలని భావిస్తోంది. ఈ సినిమా చంద్రశేఖర్ యేలేటి దర్శకత్వంలో తెరకెక్కగా, షూటింగ్ సందర్భంగా జరిగిన ఓ ఫన్నీ ఇన్సిడెంట్ ను ఆమె అభిమానులతో షేర్ చేసుకుంది. సాధారణంగా షూటింగ్ సమయాల్లో ప్రమాదాలు చోటు చేసుకోవడం సహజం.. కానీ ఈ వీడియో చూస్తే మాత్రం కడుపుబ్బా నవ్వుకుంటారు.
షూటింగ్ లో భాగంగా, నితిన్ నడుస్తూ రాగా, వెనుక నుంచి పరిగెత్తుకుని వచ్చే ప్రియా ప్రకాశ్, ఎగిరి, వీపుపైకి ఎక్కాల్సి వుంది. ఈ సన్నివేశాన్ని షూట్ చేస్తున్న సమయంలో పట్టుతప్పిన ప్రియ, వెల్లకిలా నేలపై పడిపోయింది. వెంటనే దగ్గర ఉన్న టీమ్ ప్రియా వారియర్ ని లేపారు.. తనకు ఏమీ జరగలేదని చెబుతూ మళ్లీ షూట్ కి రెడీ అంటున్నట్లు కనిపిస్తుంది.