మెగాపవర్ స్టార్ రామ్చరణ్ తేజ్ సోషల్ మీడియాలో దూసుకుపోతున్నాడు. ఇన్స్టాలో చెర్రీ ఫాలోవర్స్ సంఖ్య 4 మిలియన్లకు చేరుకుంది. మెగాస్టార్ తనయుడిగా ఎంట్రీ ఇచ్చిన రామ్ చరణ్.. చాలా తక్కువ టైంలోనే భారీ మార్కెట్ను సొంతం చేసుకున్నాడు. నటుడిగానూ ప్రత్యేక గుర్తింపు తెచ్చుకున్నాడు. మగధీర బ్లాక్బ్లస్టర్గా నిలవడంతో చెర్రీ క్రేజ్ అమాంతం పెరిగిపోయింది. ఆ తర్వాత రంగస్థలం సినిమా విడుదల అయ్యాక మంచి నటుడిగానూ గుర్తింపు సొంతం చేసుకున్నాడు. ఇక సామాజిక కార్యక్రమాల్లోనూ చెర్రీ ముందుంటున్నాడు.
ఇటీవల రెండు తెలుగు రాష్ట్రాల్లో ఆక్సిజన్ బ్యాంకులను ఏర్పాటు చేయడంలోనూ కీలక పాత్ర పోషించాడు రామ్చరణ్. ప్రస్తుతం రామ్చరణ్ .. చిరంజీవి హీరోగా నటిస్తున్న ఆచార్యలో ఓ పాత్రలో నటిస్తున్నాడు. దీంతో పాటు రాజమౌళి తెరకెక్కిస్తున్న పాన్ ఇండియా మూవీ ఆర్ఆర్ఆర్ లో అల్లూరి సీతారామారాజు పాత్ర పోషిస్తున్నాడు. ఈ చిత్రం షూటింగ్ తుదిదశకు చేరుకున్నది. కరోనాతో షూటింగ్ ఆగిపోగా.. సోమవారం నుంచి మళ్లీ షూటింగ్ ప్రారంభం అయ్యింది.
ఆ మూవీ పూర్తయిన వెంబడే తమిళ సెన్సేషనల్ డైరెక్టర్ శంకర్తో ఓ మూవీ చేయబోతున్నాడు. ఈ సినిమా కూడా పాన్ ఇండియా లెవెల్లో రాబోతున్నది. ఇప్పటికే ట్విట్టర్ లో పెద్ద సంఖ్యలో ఫాలో వర్స్ ని సంపాదించుకున్నాడు రామ్ చరణ్. తాజాగా ఇన్స్టా గ్రామ్ లో కూడా చెర్రీ ఫాలో అవుతున్న వారి సంఖ్య 4 మిలియన్లకు చేరుకుంది.
Also Read
నా కొడుకుకు రూ.3 కోట్ల కారు కొనలేదు .. సోనూ సూద్ క్లారిటీ..!