సంపూర్ణేశ్ బాబు తెలుగు ఇండస్ట్రీలోకి వినూత్నంగా అడుగులు పెట్టాడు. తెలుగులోని మాస్ హీరోలు, వాళ్ల డ్యాన్సులు, డైలాగులను కాస్త వ్యంగ్యంగా పేరడీ చేస్తూ ప్రత్యేక గుర్తింపు తెచ్చుకున్నాడు. ఇక సంపూ నటనను ప్రేక్షకులు సైతం అంగీకరించారు. హృదయకాలేయం చిత్రంతో తెలుగు తెరకు పరిచయమైన సంపూ.. ఆ తర్వాత కొబ్బరి మట్టతో సక్సెస్ అందుకున్నాడు. ఆ తర్వాత అనేక సినిమాల్లో నటించాడు.ప్రస్తుతం క్యాలీఫ్లవర్ అనే సినిమాలో నటిస్తున్నాడు. ‘శీలో రక్షతి రక్షిత :’ అనేది ట్యాగ్ లైన్.
ఈ మూవీలో సంపూ లండన్ లో చదువుకొని స్వదేశానికి తిరిగిచ్చిన వ్యక్తిగా నటించబోతున్నాడు. ఈ సినిమా షూటింగ్ పూర్తయిందని త్వరలోనే విడుదల చేస్తామని మేకర్స్ ప్రకటించారు.ఇక తాజాగా సంపూ రాముడు గెటప్లో ఉన్న ఓ పోస్టర్ ను మేకర్స్ విడుదల చేశారు. ఈ గెటప్లో సంపూ డిఫరెంట్గా కనిపిస్తున్నాడు. సంపూ రాముడి గెటప్లో ధనస్సును పట్టుకొన్నాడు. కానీ అతడు బాణాలను విసరడం లేదు.. బాణాల స్థానంలో కొలబద్దలు విసురుతున్నాడు. ఇక అమ్ముల పొదిలో సైతం కొలబద్దలే ఉన్నాయి. దీంతో ఈ చిత్రంలో కామెడీ కాస్త విభిన్నంగా ఉండబోతున్నదని అర్థమవుతున్నది.
ఈ పోస్టర్ చూసిన నెటిజన్లు.. సంపూ మరోసారి కామెడీతో చంపేసేటట్టున్నాడు అంటూ కామెంట్లు పెడుతున్నారు. క్యాలీఫ్లవర్ మూవీకి ఆర్కే మలినేని దర్శకత్వం వహించాడు. గుడూరు శ్రీధర్ సమర్పణలో మధుసూదన క్రియేషన్స్, రాధాకృష్ణ టాకీస్ పతాకాలపై ఆశ జ్యోతి గోగినేని ఈ సినిమాను నిర్మిస్తున్నారు. గోపీకిరణ్ ఈ సినిమాకు కథ అందించారు. సంపూ సరసన వాసంతి హీరోయిన్గా నటించింది.
Also Read