యంగ్ హీరో నాగశౌర్య హీరోగా రూపొందిన చిత్రం జాదుగాడు. ఈ సినిమాలో హీరోయిన్ గా ఇండస్ట్రీలో అడుగుపెట్టింది సోనారికా భదోరియా. ఈ సినిమా తర్వాత మంచు విష్ణు సరసన ఈడో రకం.. ఆడో రకం సినిమాలో నటించి మెప్పించింది. ఇప్పుడు అసలు విషయానికి వస్తే ఈ అమ్మడికి కొన్ని రోజులుగా ఒక యువకుడు అసభ్య మెసేజ్ లు పంపిస్తున్నాడట. కొన్ని రోజులు సైలెంట్ గానే ఉన్నా ఆ వేధింపులు తాళలేక చివరికి పోలీసులకు ఫిర్యాదు చేసింది సోనారిక.
పోలీసులు ఎంక్వయిరీ చేసి చివరికి ఆ అబ్బాయిని జైలులో పెట్టారు. అతడిని విచారణ చేయగా సంచలన నిజాలు బయటపడ్డాయి. సోనారికాకు.. ఆ యువకుడు.. మెసేజ్ లు పంపించడం ఇదే మొదటిసారి కాదు. గత ఏడాది అక్టోబర్ లోనే మొదలైన ఈ వ్యవహారం.. ఇప్పటివరకూ వచ్చింది. ఇంకా.. సోనారికాను పెళ్లి కూడా చేసుకుందామని అనుకున్నాడట. లాస్ట్ ఇయర్ అక్టోబర్ లో సోనారికా నంబర్ కనుక్కున్న ఆ యువకుడు.. అప్పటి నుంచి అభ్యంతరకర మెసేజ్ లు పంపడం మొదలు పెట్టాడు.
ఈ మధ్య.. కాస్త తీవ్రత కూడా పెంచాడు. అతని నంబర్ ను సోనిరికా బ్లాక్ చేసినా కూడా.. నంబర్లు మార్చి మార్చి వేధించడం అలవాటు చేసుకున్నాడు. చివరికి.. విషయం పోలీసుల దగ్గరికి చేరింది. మహారాష్ట్రలోని కుర్కేద ప్రాంతానికి చెందిన డిగ్రీ చదవే యువకుడు.. ఈ పని చేస్తున్నట్టు తేలింది. దీంతో.. అతడిని పట్టుకున్న పోలీసులు.. ఇప్పుడు ఊచలు లెక్కబెట్టిస్తున్నారు. దేవోంకీ దేవ్ మహాదేవ్ సీరియల్ తో ఎంతో మంది అభిమానులను సొంతం చేసుకున్న సోనారిక.. చివరికి ఇలా అభిమానుల కారణంగానే ఇబ్బంది పడాల్సి వచ్చింది.
{loadmodule mod_sp_social,Follow Us}
Related