స్టైలిష్ స్టార్ అల్లు అర్జున్ హీరోగా హరీష్ శంకర్ దర్శకత్వంలో వస్తున్న సినిమా డీజే (దువ్వాడ జగన్నాధం). భారీ అంచనాలతో ఈ సినిమా తెరకెక్కుతుంది. ప్రముఖ నిర్మాత దిల్ రాజు తమ బ్యానర్లో 25 వ సినిమాగా వస్తున్న ఈ మూవీ ఫస్ట్ లుక్ నేడు విడుదల అయ్యింది. చేతక్ స్కూటీ పైన కూరగాయలను పెట్టుకుని నడిపిస్తున్న అయ్యవారి గెటప్ లో అల్లు అర్జున్ లుక్ సూపర్ గా ఉంది.
అల్లు అర్జున్ ఈ లుక్ లో చాలా బాగున్నాడని మెగా ఫ్యాన్స్ అంటున్నారు. అయితే ఈ పోస్టర్ లో రెండు అంశాల గురించి నెటిజనులు ఎక్కువగా చర్చించుకుంటున్నారు. ఒకటి స్కూటీ నంబర్ 2425. హరీష్ శంకర్ గబ్బర్ సింగ్ లో పవన్ కళ్యాణ్ బైక్ కి ఈ నంబర్ ఉంటుంది. సో ఆ సినిమా హిట్ సెంటిమెంట్ ని ఈ సినిమాలో డైరక్టర్ కొనసాగిస్తున్నారు.
మరో విషయం ఏంటంటే.. “అన్నపూర్ణ కేటరింగ్సు, ప్యూర్ వెజిటేరియన్సు” .. అనే స్టిక్కర్. పోస్టర్ లో కూడా డైలాగ్ పేల్చి హాస్యం కొంచెం ఎక్కువగానే ఉంటుందని చెప్పారు. ఇక ఈ స్టిక్కర్ లో విజయవాడ అని రాసి ఉంది. అంటే సినిమా కథ ఎక్కువ భాగం విజయవాడలో సాగుతుందని అర్ధం చేసుకుంటున్నారు. పూజా హెగ్డే హీరోయిన్ గా నటిస్తున్న ఈ మూవీకి రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు.
{youtube}v=8tChvIzPmsA{/youtube}
Related