బాహుబలి సినిమా హిట్ కావడంతో విజయేంద్ర ప్రసాద్ రేంజ్ ఎక్కడికో వెళ్లిపోయింది. ఆయన కథ కోసం .. అన్ని భాషల నటులు ఎదురుచూస్తున్నారు. ఇప్పటికే పలు బాలీవుడ్ సినిమాలకు సైతం విజయేంద్ర ప్రసాద్ కథలు అందించాడు. అయితే విజయేంద్రప్రసాద్ పవన్ కల్యాణ్ సినిమాకు కథ అందించబోతున్నాడని.. ఈ మేరకు పవర్ స్టార్తో చర్చలు జరుగుతున్నాయని వార్తలు వచ్చాయి. పవర్ స్టార్తో విజయేంద్ర ప్రసాద్ స్టోరీ డిస్కషన్లో కూడా పాల్గొన్నాడని గుసగుసలు వినిపించాయి.
అయితే ఈ విషయంపై విజయేంద్రప్రసాద్ స్పందించాడు. ‘ పవన్ కల్యాణ్ సినిమాకు కథ అందించడం అదృష్టంగా భావిస్తాను. కానీ నాకు ఇప్పటివరకు ఆ చాన్స్ రాలేదు. నన్ను ఎవరూ సంప్రదించలేదు. అవకాశం వస్తే కచ్చితంగా కథ అందిస్తాను’ అంటూ ఆయన క్లారిటీ ఇచ్చేశాడు. దీంతో పవన్ కల్యాణ్కు విజయేంద్ర ప్రసాద్ కథ ఇవ్వడం లేదు అన్న విషయంపై క్లారిటీ వచ్చేసింది.
Also Read: ఎయిర్పోర్ట్ ఇలా ఉంటే దేశం పరువు పోదా? డైరెక్టర్ రాజమౌళి ట్వీట్ ..!
ఇక రాజకీయాలకు తాత్కాలికంగా బ్రేక్ ఇచ్చిన పవన్ కల్యాణ్ సినిమాల్లో బిజీ అయ్యాడు. ఆయన నటించిన వకీల్ సాబ్ చిత్రం సూపర్ హిట్ అయ్యింది. తర్వాత క్రిష్తో హరిహర వీరమల్లు అనే చారిత్రక చిత్రంలో నటిస్తున్నాడు. ఆ తర్వాత మరో మలయాళ చిత్రం అయ్యప్పమన్ కోషియమ్ రీమేక్లోనూ పవన్ కల్యాణ్ నటిస్తున్నాడు. ఇలా వరస పవన్ సినిమాలతో దూసుకెళ్తున్నాడు.
Also Read: ఏ హీరోలకు తగ్గేదేలా.. బన్నీ నుంచి మరో పాన్ ఇండియా మూవీ..!