మాస్ చిత్రాలు తెరకెక్కించడంలో బోయపాటి శ్రీనుది ప్రత్యేక శైలి. ఇక హీరోలకు ఎలివేషన్స్ క్రియేట్ చేయడం.. భారీ ఫైట్లు చిత్రీకరించడం కూడా బోయపాటిది అందెవేసిన చేయి. బోయపాటి గత చిత్రాలు పెద్దగా సక్సెస్ కాలేదు. రామ్ చరణ్తో చేసిన వినయవిధేయ రామ, బెల్లం కొండ శ్రీనివాస్ తో చేసిన జయ జానకీ రామ ఆశించిన స్థాయిలో సక్సెస్ కాలేదు. ప్రస్తుతం బాలయ్యతో బోయపాటి అఖండ మూవీ చేస్తున్నాడు. బాలయ్య, బోయపాటి కాంబినేషన్లో రానున్న హ్యాట్రిక్ మూవీ ఇది.
ఇంతకుముందు వీరిద్దరి కాంబినేషన్ లో వచ్చిన సింహా, లెజెండ్ భారీ హిట్ అయ్యాయి. దీంతో హ్యాట్రిక్ మూవీగా వస్తున్న అఖండపై భారీ అంచనాలు ఉన్నాయి. అఖండ సినిమా తర్వాత బోయపాటి శ్రీను దిల్ రాజు కాంబినేషన్ లో సూర్య హీరోగా ఓ సినిమా ఉంటుందని ఇటీవల వార్తలు వచ్చాయి. సూర్యతో బోయపాటి మాస్ సినిమా చేయనున్నట్టు ప్రచారం జరిగింది. అయితే ఇప్పుడు దిల్ రాజు నిర్మాణంలో నే బోయపాటి దర్శకత్వంలో తమిళ హీరో విశాల్తో ఓ సినిమా చేయబోతున్నట్టు సమాచారం.
Also Read: వరుణ్తేజ్ ఔదార్యానికి నెటిజన్లు ఫిదా..!
ఇప్పటికే విశాల్కు కథ వినిపించాడట బోయపాటి. ఆ కథ విశాల్ కి నచ్చడంతో సినిమా చేసేందుకు ఒప్పుకున్నాడట. విశాల్ కూడా తమిళంలో మాస్ హీరో. అతడికి తెలుగులో కూడా మార్కెట్ ఉంది. దీంతో ఈ సినిమా చేసేందుకు ఒప్పుకున్నాడట. త్వరలోనే ఇందుకు సంబంధించిన అధికారిక సమాచారం బయటకు వచ్చే చాన్స్ ఉంది. విశాల్కు ఇటీవల తెలుగులో పెద్దగా హిట్స్ లేవు. దీంతో బోయపాటి సినిమా అయినా సక్సెస్ అవుతుందేమో వేచి చూడాలి. ప్రస్తుతం దర్శకుడు బోయపాటికి, హీరో విశాల్కు హిట్స్ అవసరమే.
Also Read: ట్విట్టర్లో సౌత్ లోనే నంబర్ 1 ప్లేస్ కి స్టార్ హీరో..!