అఖిల్ నటించిన మొదటి సినిమా ప్లాప్ కావడంతో ఏడాదిన్నర గ్యాప్‌ తీసుకొని తన రెండో సినిమాతో ఇప్పుడు రాబోతున్నాడు. ఈ రెండో సినిమా విషయంలో చాలా జాగ్రత్తలు తీసుకుంటున్నాడట. మనం, 24 చిత్రాల దర్శకుడు విక్రమ్‌ కుమార్‌ దర్శకత్వంలో రాబోతున్న ఈ సినిమా కోసం ‘జున్ను’ అనే టైటిల్ ని పరిశీలిస్తున్నట్లు ప్రచారం జరుగుతుంది.
ఈ టైటిల్ పై ఇంతవరకు అధికారిక సమాచారం లేకపోయిన.. ‘జున్ను’ టైటిల్‌పై విక్రమ్‌ కుమార్‌ పట్టు పట్టినట్టు టాక్‌ జోరుగా వినిపిస్తోంది. అయితే ఈ టైటిల్ లీక్‌ అయిన దగ్గర్నుంచి సోషల్‌ మీడియాలో బాగా ట్రోల్‌ చేస్తున్నారు. ‘జున్నా… పెరుగేం కాదా?’ అంటూ కామెంట్లు పడుతున్నాయి. అక్కినేని ఫ్యాన్స్ సైతం ఈ టైటిల్ కి నెగెటివ్‌గా రియాక్ట్‌ అవుతున్నారు. ‘ఈ టైటిల్ వద్దు’ అంటూ అఖిల్‌కి ట్విట్టర్లో వేలాదిగా సందేశాలు అందుతున్నాయి.
ఇంత నెగెటివ్ ఫీడ్‌బ్యాక్‌ చూసి అఖిల్ క్యాంప్‌ వర్రీ అవుతోందట. ఈ టైటిల్ వద్దని విక్రమ్‌కి నచ్చచెప్పేందుకు ప్రయత్నిస్తోందట. . ఏదైనా క్లాసీ టైటిల్ అయితే బాగుంటుందని సూచించిందట. కానీ తన సినిమా టైటిల్స్‌ షార్ట్‌ అండ్‌ ‘స్వీట్‌’గా వుండాలని కోరుకుంటాడు విక్రమ్‌ కుమార్‌. ఇంతవరకు అతని సినిమాల టైటిల్స్‌ అన్నీ రెండక్షరాలో రెండు నంబర్లో కావడం విశేషం. మరి ఈ ‘జున్ను’ టైటిల్ అతనికి ఎందుకంత టేస్టీగా అనిపిస్తుందో తెలీదు కానీ దీనికంటే బెటర్‌ సౌండింగ్‌ వున్న సింపుల్‌ టైటిల్ చూడమని అతడిని రిక్వెస్ట్‌ చేసారట.
{youtube}v=vlL9Z99HSZo{/youtube}
Related