రెండేళ్ళ నుంచి ప్రతి ఒక్కరు ఎంతగానో ఎదురు చూస్తున సినిమా ‘బాహుబలి-2’. ఈ సినిమా ఈ రోజు లీజ్ అయ్యి సూపర్ డూపర్ హిట్ టాక్ తెచ్చుకుంది. ఇప్పటిదాకా అనేక అంచనాలు, ఊహల మధ్య మిలియన్ డాలర్ల ప్రశ్నగా మిలిగిన కట్టప్ప బాహుబలిని ఎందుకు చంపాడు అనేదానికి సమాధానం మొత్తానికి రివీల్ అయ్యిపోయింది. టాలీవుడ్ దర్శక దిగ్గజం రాజమౌళి ప్రతిష్టాత్మక ప్రాజెక్టులోని బాహుబలి-2 పై ఎనలిస్టులు రివ్యూలు కూడా చాలా పాజిటివ్ గా ఉన్నాయి. అద్భుతం, అమోఘం అంటూ విమర్శకులు ఈసినిమాను ఆకాశానికెత్తేస్తున్నారు.
అదే సందర్భంలో లోపాలను కూడా ప్రస్తావించడం విశేషం. ప్రభాస్, రానా, రమ్యకృష్ణ, అనుష్క, సత్యరాజ్ ల అమోఘ నటన, అత్యున్నత సాంకేతిక ప్రమాణాలతో వచ్చిన బాహుబలి ది కంక్లూజన్ విమర్శకుల ప్రశంసలు సైతం అందుకున్నప్పటికీ చిన్న విమర్శను కూడా మూటగట్టుకుంది. ఈ మేరకు చిత్రంలోని లోపాన్ని ఎత్తి చూపుతున్నారు. ముఖ్యంగా ఫస్ట్ హాఫ్ బ్రహ్మాండంగా ఉండగా సెకండ్ హాఫ్ మాత్రం సుదీర్ఘంగా సాగతీతగా అనిపించిందని పేర్కొంటున్నారు. అంతేకాదు తన మానస పుత్రిక బాహుబలి రెండవ భాగం సక్సెస్ కోసం జక్కన్న ఎంత టెన్షన్ పడ్డాడో ప్రతి ప్రేమ్ లో కొట్టొచ్చినట్టు కనిపించిందని వ్యాఖ్యానిస్తున్నారు. పాటలు కూడా పెద్దగా ఆకట్టుకోలేకపోయాయని అభిప్రాయపడ్డారు అయితే రాజమౌళి స్పెషల్ టేకింగ్ కమల్ కణ్నన్ విజువల్ ఎఫెక్ట్స్, కీరవాణి నేపథ్య సంగీతంతో ప్రేక్షకులు పెద్దగా బోర్ ఫీల్ అవరని చెబుతున్నారు.
కథ, కథనం, సినిమాటోగ్రఫీకి అద్భుతమైన మార్కులు పడ్డాయి. అటు నటులు ఎవరి పాత్రల్లో వారు ఇమిడిపోయి తమ పాత్రలకు కంప్లీట్ గా న్యాయం చేశారు. ఇక అమరేంద్ర బాహుబలిగా ప్రభాస్ నటనకు, రాజసానికి, అనుష్క పాత్రను ఎలివేట్ చేసిన తీరుకు ఫిదా అయిపోతున్నారు. అయితే సొంతబిడ్డలా సాకిన బాహుబలిని శివగామి ఎందుకు హత్య చేయించింది అనేదిమాత్రం సినిమా చూసి తెలుసుకోవాల్సిందే. మొత్తానికి ఎవరూ ఊహించని ట్విస్టులతో రాజమౌళి మరో మెట్టు అధిగమించాడు. తెలుగు సినిమా ఖ్యాతిని బాహుబలి-2 ప్రపంచ స్థాయికి తీసుకెళుతుందన్న మాటలను నిలబెట్టుకున్నాడనే చెప్పాలి.
{youtube}JxzZZmQt7gU{/youtube}
Related