పన్ను మినహాయింపులల్లో వేతన జీవులకు ఊరటనివ్వని అరుణ్‌ జైట్లీ.. దేశాధినేతలు, రాష్ట్రసారథులను మాత్రం సముచితంగా గౌరవించారు. రాష్ట్రపతి వేతనాన్నిరూ .5 లక్షలకు, ఉపరాష్ట్రపతి వేతనాన్ని రూ.4లక్షలకు, గవర్నర్ల వేతనాలను రూ.3.5 లక్షలకు పెంచుతున్నట్లు జైట్లీ ప్రకటించారు. ఇటు పార్లమెంట్‌ సభ్యుల జీతభత్యాలపైనా కీలక నిర్ణయం తీసుకున్నారు. ఇక నుంచి ప్రతి ఐదేళ్లకు ఒకసారి ద్రవ్యోల్బణాన్ని అనుసరించి ఎంపీల జీతాలు ఆటోమెటిక్‌గా పెరుగుతాయని చెప్పారు
బ‌డ్జెట్‌లో ముఖ్యాంశాలు-3
2017-18 సవరించిన బడ్జెట్ రూ. 21.54 లక్షల కోట్లు.
2018-19 స్థూల జాతీయ ఉత్పత్తిలో ద్రవ్య లోటు అంచనా 3.3 శాతం.
2018-19 బడ్జెట్ అంచనా రూ. 21.57 లక్షల కోట్లు.
12.6 శాతం పెరిగిన ప్రత్యక్ష పన్ను వసూళ్లు.
పెరుగుతున్న ద్రవ్యోల్బణానికి అనుగుణంగా వేతనాల పెంపు.
ఐదేళ్లకోసారి ఎంపీల వేతనాల్లో మార్పు.
రీజనల్ కనెక్టివిటీ కోసం కొత్తగా 56 విమానాశ్రయాలు, 11 హెలిప్యాడ్ లు.
ఈ సంవత్సరం జీఎస్టీ వసూళ్లు 11 నెలలే అందుతున్నాయి.
11 శాతం పెరిగిన వ్యక్తిగత ఆదాయపు పన్ను వసూళ్లు.
8.72 కోట్లకు చేరుకున్న పన్ను చెల్లింపుదారుల సంఖ్య.
బ్లాక్ మనీపై చేస్తున్న పోరాటం సత్ఫలితాలను ఇస్తోంది.
2016-17లో పన్ను చెల్లింపుదారులు 19.25 లక్షల మంది పెరిగారు.
గత రెండేళ్లలో భారీగా పెరిగిన పన్ను వసూళ్లు.
40 శాతం పెరిగిన రిటర్నులు దాఖలు చేసిన వారి సంఖ్య.
మారని వ్యక్తిగత ఆదాయపు పన్ను పరిమితులు.
కొనసాగనున్న ప్రస్తుత శ్లాబ్ విధానం.
ప్రయాణ, వైద్య ఖర్చులపై రూ. 40 వేల వరకూ పన్ను రాయితీ.
సీనియర్ సిటిజన్ల వైద్య ఖర్చులకు మరింత అదనపు రాయితీ.
వయో వృద్ధులకు అదనపు రాయితీ రూ. 60 వేల నుంచి రూ. లక్షకు పెంపు.
వయోవృద్ధుల డిపాజిట్లపై రూ. 50 వేల వరకూ టీడీఎస్ రద్దు.
తీవ్ర అనారోగ్యాల బారిన పడ్డ సీనియర్ సిటిజన్లకు ఇల్ నెస్ డిడక్షన్ రూ. 50 వేలు.
రూ. 250 కోట్ల టర్నోవర్ ఉన్న కార్పొరేట్ కంపెనీలపై 25 శాతం పన్ను.
స్టాండర్డ్ డిడక్షన్ ద్వారా ప్రభుత్వ ఆదాయంలో రూ. 8 వేల కోట్ల లోటు.
మొబైల్ ఫోన్ల దిగుమతులపై కస్టమ్స్ సుంకాలు 15 నుంచి 20 శాతం పెంపు.
దిగుమతి చేసుకునే వస్తువులపై సామాజిక అభివృద్ధి సెస్ పెంపు.
సామాజిక అభివృద్ధి సెస్ 10 శాతానికి పెంపు.
విద్యాభివృద్ధి సెస్ 4 శాతానికి పెంపు.