మానవ జీవితంలో వివాహ బంధం చాలా గొప్పది. ఓ బంధం ఇద్దరి మ‌నుషుల‌ను ఒక‌టిగా చేస్తోంది. కానీ గ‌తంతో పోలిస్తే ఈనాటి దంప‌తులు అన్యోన్యంగా ఉండ‌డం చాలా త‌క్కువ‌నే చెప్పాలి. ఏవేవో కార‌ణాల‌తో, చాలా చిన్న చిన్న కార‌ణాల‌తో వివాహ బంధాల‌ను తెంచేసుకుంటున్నారు.
కొన్ని సందర్భాల్లో భార్యల వల్ల ఈ సమస్య తలెత్తుతుంటే.. మరికొన్ని సందర్భాల్లో భర్తల వల్ల ఈ సమస్య వ‌స్తోంది. అలాంటి సమయంలో జాగ్రత్తలు పాటించడం చాలా అవసరం. భార్యపై ప్రేమను వ్యక్తం చేయడానికి కొన్ని సూచ‌న‌లు ఇలా..
* ఉదయాన్నే భార్యకు ప్రేమతో కప్పు కాఫీ కలిపివ్వడం, బయటి నుంచి వచ్చే సరికి స్నాక్స్‌లాంటివి చేయడం.. ఇలాంటివి అప్పుడప్పుడు చేస్తుంటే భర్తపై భార్యకున్న ప్రేమ డబుల్‌ అవుతుంది.
* వంటలో కాస్త సాయం చేస్తే భార్య భర్తల మధ్య బంధం మరింత బ‌ల‌ప‌డుతుంది.
* వంట చేయ‌డంలో సాయం అంటే కష్టపడి వంట నేర్చుకోవాల్సిన అవసరం లేదు. వంటలో ఏ మాత్రం కాస్తంత ప్రవేశమున్నా భార్యకు వంట గ‌దిలో ఎంతో సహాయం చేయవచ్చు. కూరగాయలు తరగడం నుంచి బియ్యం కడగడం వరకూ ఏ పని చేసి పెట్టినా, ఆ కాస్త సమయం మరింత ముద్దు, ముచ్చట్లకు ఆదా చేసుకున్నట్టే కదా.
* కిచన్ లో భార్య వంట చేస్తున్నప్పుడు అవసరానికి ఏదో ఒకటి అందించినా, ఇద్దరి మధ్యా అనురాగం పెరుగుతుంది.
* పాలు స్టౌ మీద పెట్టి వాటిని వేడి చేసి కాఫీపొడి, పంచదార కలిపితే వేడివేడి కాఫీ తయారవుతుంది. కాఫీ లేదంటే టీ… తయారు చేయడం సులభమే. ఎటొచ్చీ ఎంత పంచదార, పొడి వేయాలన్నదానిపై అవగాహన పెంచుకుంటే చాలు పని సులువ‌వుతుంది.
* సతీమణి ఎన్నడూ చేయని ఓ వంటకం గురించి కాస్తంత రీసెర్చ్ చేసి, అది ఎలా తయారు చేయాలో నేర్చుకోండి. దీంతో జీవిత భాగస్వామిని ఎంతో ఇంప్రెస్ చేయవచ్చు.
* ఏదైనా ఓ స్పెషల్ వంటను చేసిన తరువాత, దానికి మరింత అందాన్నిచ్చేలా అలంకరణ… అంటే గార్నిష్ చేయడంలోనూ కాస్తంత ప్రత్యేకత చూపాలి. ఇక ఏ రాత్రయితే డిన్నర్ సమయంలో మీదైన ఓ స్పెషల్ వంట ఉంటే, ఆ రాత్రి మరింత మధురానుభూతులను మిగుల్చుకోవచ్చు సుఖ‌మ‌యం చేసుకోవ‌చ్చు. నూరేళ్ల పంట‌ను సాకారం చేసుకోవ‌చ్చు.
Related