మార్కెట్లో రకరకాల సబ్బులు దొరుకుతుంటాయి. తమ కంపెనీ సబ్బులు వాడితే మంచి రంగు వస్తారని, శరీరం నుండి మంచి సువాసన వస్తుందని ఆయా సబ్బుల కంపెనీ వారు టీవీల్లో యాడ్స్ ఇస్తుంటారు. ఇంకేముంది అందరూ ఆ యాడ్స్ చూసి సబ్బులను కొని వాడేస్తుంటారు. అయితే సబ్బుల నుండి ఎక్కువగా నురగ వస్తుంటే మాత్రం డేంజరేనని స్కిన్ ఎక్స్ పర్ట్స్ చెబుతున్నారు. మార్కెట్ లో లభించే సబ్బులలో దాదాపు 70% సబ్బులు మన శరీరానికి హాని చేసేవేనని అంటున్నారు.
మరి మనం వాడే సబ్బులు క్వాలిటీవో కాదో టాప్ తెలుగు మీడియా ద్వారా తెలుసుకుందాం. టీఎఫ్ఎం(TFM) ద్వారా సబ్బులు క్వాలిటీవా కాదా తెలుసుకోవచ్చు. టీఎఫ్ఎం అంటే టోటల్ ఫ్యాటీ మ్యాటర్. ఈ టీఎఫ్ఎం శాతం ఎంత ఎక్కువగా ఉంటే ఆ సబ్బు అంతటి నాణ్యమైన గుణాలను కలిగి ఉంటుంది. 76% కంటే ఎక్కువ టిఎఫ్ఎం ఉన్నవి గ్రేడ్ 1 సబ్బులని, 70- 75% వరకు టీఎఫ్ఎం ఉంటే అవి గ్రేడ్ 2 సబ్బులని, 60 నుంచి 70 % మధ్యలో టీఎఫ్ఎం ఉన్నవి గ్రేడ్ 3 సబ్బులని Bureau of Indian Standards చెబుతోంది. గ్రేడ్ 2,3 సబ్బుల్లో ఫిల్లర్లు అధికంగా ఉంటాయి.
వీటిలో శరీరానికి హాని కలిగించే పదార్థాలు ఎక్కువగా ఉంటాయని, వీటిని వాడితే చర్మానికి హాని కలుగుతుంది. ఈ సబ్బులు నీటిలో కలిసిప్పుడు మెత్తగా అయిపోయి చాలా త్వరగా అరిగిపోతాయి. అలాగే నురగ ఎక్కువ వచ్చినా వాటిని నాసిరకం సబ్బులుగానే పరిగణించాలి. ఎలాంటి చర్మం ఉన్నవారికైనా గ్రేడ్ 1 సబ్బే మంచిదని, ఈ సబ్బులు చర్మానికి మృదుత్వాన్ని ఇస్తాయని చర్మనిపుణులు చెబుతున్నారు.
సో… సబ్బులు కొనే ముందు TFM శాతాన్ని చూసి కొనడం మర్చిపోకండి.
Related