రాజస్థాన్ పై అద్భుత విజయం సాధించిన కోల్‌కతా నైట్‌రైడర్స్‌

ఐపీఎల్ తాజా సీజన్ లో కోల్‌కతా నైట్‌రైడర్స్‌ అదరగొడుతోంది. దినేష్ కార్తిక్ కెప్టెన్సీలో నైట్‌రైడర్స్‌ వరుస విజయాలను సాధిస్తుంది. ఆదివారం రాజస్తాన్‌ రాయల్స్ జట్టుతో జరిగిన మ్యాచ్ లో అద్భుత విజయం సాధించింది. 8 వికెట్ల తేడాతో రాజస్తాన్‌ రాయల్స్‌పై నైట్‌రైడర్స్‌ విజయం సాధించింది. మొదట బ్యాటింగ్ చేసిన రాజస్తాన్‌ నిర్ణీత 20 ఓవర్లలో 3 వికెట్ల నష్టానికి 139 పరుగులు చేసింది. స్మిత్‌ ( 73) టోర్నిలో మొదటిసారి రాణించాడు.

అనంతరం 140 పరుగుల టార్గెట్ తో బరిలోకి దిగిన కోల్‌కతా నైట్‌రైడర్స్‌ 13.5 ఓవర్లలో 2 వికెట్లకు 140 పరుగులు చేసి గెలిచింది. లిన్‌ ( 50), నరైన్‌ (47) మెరుపు బ్యాటింగ్ తో తమ జట్టుకు విజయం సాధించిపెట్టారు. ఐపీఎల్‌లో తొలి మ్యాచ్ ఆడుతున్న హ్యారీ గర్నీ(2 వికెట్లు) ‘మ్యాన్‌ ఆఫ్‌ ద మ్యాచ్‌’ అవార్డు గెలుచుకున్నాడు. ఈ మ్యాచ్ విజయంతో నైట్‌రైడర్స్‌ నాలుగో విజయాన్ని నమోదు చేసింది.