ఇంగ్లండ్ బ్యాట్స్‌మెన్ విధ్వంస‌క‌ర బ్యాటింగ్‌..25 బంతుల్లోనే సెంచరీ

క్రికెట్‌లో రికార్డులు ఎప్ప‌టిక‌ప్పుడు చెరిగిపోతుంటాయి. రికార్డులు శాశ్వ‌తం కాదు. అయితే ఇప్పటివరకు క్రికెట్‌లో ఎన్నో విధ్వంసకర ఇన్నింగ్స్ చూసి ఉంటారు. కాని ఇలాంటి విధ్వంస‌క‌ర బ్యాటింగ్ చూసిండ‌రు. ఇప్పటివరకు బయటి ప్రపంచానికి ఊరూ పేరూ తెలియని ఓ 20 ఏళ్ల ఇంగ్లండ్ యువకుడు క్రికెట్ ఫీల్డ్‌లో ఈ పెను విధ్వంసం సృష్టించాడు. అతని పేరు విల్ జాక్స్. దుబాయ్ వేదికగా జరిగిన టీ10 మ్యాచ్‌లో ఆకాశమే హద్దుగా చెలరేగిన జాక్స్‌ కేవలం 25 బంతుల్లోనే సెంచరీ బాదేశాడు. ఎనిమిది ఫోర్లు, పదకొండు సిక్సర్లతో చెలరేగి ఆడాడు. ఈ క్రమంలోనే ఒక ఓవర్‌లో ఆరు సిక్సర్లు కొట్టి ఔరా అనిపించాడు. జాన్స్‌ జోరుతో తొలుత బ్యాటింగ్ చేసిన సర్రే జట్టు నిర్ణీత 10 ఓవర్లలో 3 వికెట్ల నస్టానికి 176 పరుగులు చేసింది. అనంతరం భారీ లక్ష్యఛేదనలో తడబడిన లాన్‌షైర్ 9.3 ఓవర్లలోనే 81 పరుగులకి ఆలౌటైంది. ఫలితంగా సర్రే జట్టు 95 పరుగుల తేడాతో భారీ విజయం సాధించింది.