టాలీవుడ్ యంగ్ హీరో అక్కినేని నాగచైతన్య, అందాల భామ స్టార్ హీరోయిన్ సమంతల నిశ్చితార్ధం ఘనంగా జరిగిన విషయం తెలిసిందే. ఈ పంక్షన్ కు సంబంధించి బోలెడన్ని ఫోటోలు నెట్ లో తెగ హల్ చల్ చేశాయి. సమంత కూడా చాలా ఫోటోలను ఫ్యాన్స్‌తో షేర్ చేసుకుంది.
వీటిలో ఓ బుజ్జి పాప ఫోటో కూడా ఉంది. మీడియా ప్రసారం చేసిన వాటిలో కూడా ఈ చిన్నారి అందరినీ ఆకట్టుకుంది. ఈ బుల్లిపాప డ్రస్ అంచులపై సమంత.. చెయ్ అని ఎంబ్రాయిడరీ కూడా చేసి ఉంటుంది. మరి నాగచైతన్య, సమంతల నిశ్చితార్ధ పంక్షన్ లో ఇంతగా సందడి చేసిన ఈ చిన్నారి ఎవరనే విషయం ముందు అందరికీ అర్ధం కాలేదు. ఈమె ఎవరో కాదు.. దగ్గుబాటి సురేష్ కి మనవరాలు. అంటే సురేష్ బాబు కూతురు మాళవిక-ఆమె భర్త బిజినెస్ మ్యాన్ అయిన భరత్ కృష్ణారావుల కుమార్తె ఈ చిన్నారి ఐరా. ఈ బుజ్జాయి తల్లి మాళవిక చైతుకు కజిన్. అంటే.. అంటే.. చైతు ఈమెకు బాబాయ్ అవుతాడన్న మాట.
అలా ఈ బుజ్జిపాపకు తాను పిన్ని కాబట్టి.. ‘మై డాల్’ అంటూ సమంత సంబోధించింది. మొత్తం దగ్గుబాటి కుటుంబం అంతా నాగచైతన్య, సమంత ల నిశ్చితార్ధానికి వచ్చారు. అందరిలోకి ఈ ఏడాది వయసున్న చిన్నారి ఐరా చేసిన సందడి ఎక్కువగా ఆకట్టుకుంది.
Related