గోపీచంద్ కు గత కొంతకాలంగా సరైన హిట్ పడటం లేదు. విలన్ క్యారెక్టర్లతో ఇండస్ట్రీకి ఎంట్రీ ఇచ్చిన గోపీచంద్.. అనతి కాలంలోనే మంచి నటుడిగా గుర్తింపు తెచ్చుకున్నాడు. యజ్ఞం, లక్ష్యం, లౌక్యం, ఆంధ్రుడు వంటి చిత్రాలు గోపీచంద్ కు మంచి పేరు తీసుకొచ్చాయి. కానీ ఇటీవల గోపీ చంద్ కు సరైన హిట్ పడటం లేదు. చాణక్య, గౌతమ్నంద, ఆక్సిజన్, జిల్ వంటి చిత్రాలు ఆకట్టుకోలేకపోయాయి.
ప్రస్తుతం గోపీచంద్ నటించిన సీటిమార్ చిత్రం విడుదలకు సిద్ధంగా ఉంది. ఈ మూవీపైనే గోపీచంద్ ఆశలు పెట్టుకున్నాడు. మరోవైపు నాలుగేళ్ల క్రితం ఆర్థిక సమస్యలతో ఆగిపోయిన ఆరడుగుల బుల్లెట్ చిత్రం త్వరలో విడుదల కాబోతున్నట్టు వార్తలు వస్తున్నాయి. ఇదిలా ఉంటే గోపీ చంద్.. శ్రీవాస్ కాంబినేషన్లో తన 30 వ చిత్రం చేస్తున్నాడు. ఈ మూవీకి సంబంధించిన పోస్టర్ తాజాగా విడుదలైంది.
కోల్కతా బ్యాక్డ్రాప్లో ఈ మూవీ తెరకెక్కబోతున్నదట. ఓ విభిన్నమైన కథాంశంతో ఈ మూవీ తెరకెక్కబోతున్నట్టు టాక్. ప్రస్తుతం ప్రేక్షకుల అభిరుచుల్లో మార్పులు వచ్చాయి. ఆరుపాటలు, క్లైమాక్స్లో భారీ ఫైట్, ఇంటర్వెల్ బ్యాంగ్, చివర్లో ట్విస్ట్ వంటి రొటీన్ ఫార్ములాను ప్రేక్షకులు ఇష్టపడం లేదు. కేవలం విభిన్న కథా చిత్రాలు మాత్రమే ఆడుతున్నాయి. ఈ క్రమంలో దర్శకులు, నిర్మాతలు కూడా అటువంటి సినిమాల వైపే మొగ్గు చూపుతున్నారు. అలా ఓ విభిన్న కథ గోపిచంద్ ముందుకు రావడంతో.. తనకు గతంలో రెండు సక్సెస్లు అందించిన శ్రీవాస్తో 30వ సినిమా చేసేందుకు ఒప్పుకున్నాడట గోపీ చంద్. ఈ సినిమా అయినా సక్సెస్ అవుతుందేమో వేచి చూడాలి.
Also Read