పదేళ్ల కుర్రాడికి ఆరోగ్య సమస్య వచ్చింది. దీంతో తల్లి దండ్రులు పిల్లాడిని ఆస్పత్రికి తీసుకెళ్లారు. అయితే సర్జరీ చేయించుకోకుండా పిల్లాడు మారాం చేస్తున్నాడు. కనీసం మత్తు ఇంజెక్షన్ కూడా తీసుకోవడం లేదు. అయితే డాక్టర్లకు ఏం చేయాలో పాలు పోలేదు. అయితే వాళ్లకు ఓ విషయం తెలిసిందే. ఆ కుర్రాడు.. తమిళ స్టార్ హీరో, ఇళయదలపతికి పెద్ద అభిమాని. దీంతో అక్కడ ఉన్న ఓ డాక్టర్ తన మొబైల్లో బిగిల్ ( విజిల్) సినిమాను చూపించాడు.
దీంతో ఆ కుర్రాడు సినిమా చూస్తూ చుట్టూ ఏం జరుగుతుందో కూడా మరిచిపోయాడు. వెంటనే డాక్టర్లు ఆ కుర్రాడికి మత్తు ఇంజెక్షన్ ఇచ్చి చికిత్స ప్రారంభించారు. తమిళనాడులోని చెన్నైలో జరిగిందీ ఘటన. ప్రస్తుతం ఇందుకు సంబంధించిన వార్త తమిళ మీడియాలో వైరల్ అవుతున్నది.
హీరో విజయ్ ఫ్యాన్స్ ఈ వార్తను వైరల్ చేస్తున్నారు. సదరు డాక్టర్ను అంతా ప్రశంసిస్తున్నారు. సాధారణంగా తమిళనాడులో హీరోలకు ఫాలోయింగ్ మామూలుగా ఉండదు. ఓ రేంజ్లో ఉంటుంది. అందుకు ఈ ఘటన అద్దం పడుతోంది. పదేళ్ల కుర్రాడు కేవలం తన అభిమాన హీరో సినిమా చూస్తూ.. ఇంజెక్షన్ తీసుకోవడం అందరినీ ఆశ్చర్యంలో ముంచెత్తింది. సదరు డాక్టర్ సమయస్ఫూర్తిని కూడా అంతా మెచ్చుకుంటున్నారు.
Also Read
తెరపైకి వచ్చే మొదటి సినిమా నాగ చైతన్యదే..!