కబాలి, కాలా చిత్రాలతో తెలుగు ప్రేక్షకులకు సైతం దగ్గరయ్యాడు దర్శకుడు పా రంజిత్. ఈ రెండు చిత్రాలు తెలుగులో భారీ విజయాన్ని నమోదు చేయనప్పటికీ విభిన్న చిత్రాలుగా పేరుతెచ్చుకున్నాయి. ఇక పా రంజిత్ ఆ తర్వాత ఆర్య హీరోగా మరో ప్రతిష్ఠాత్మక చిత్రాన్ని తెరకెక్కించాడు. అదే ‘సార్పట్టా’ బాక్సింగ్ పీరియాడికల్గా ఈ మూవీ తెరకెక్కింది. ఎప్పుడో షూటింగ్ పూర్తిచేసుకున్నది. కానీ కరోనా కారణంగా విడుదల కాలేదు.
ఈ మూవీ కోసం ఆర్య సహా.. మిగిలిన నటీనటులందరూ ఎంతో కష్టపడ్డారు. ఇప్పటికే యూట్యూబ్లో విడుదల చేసిన మేకింగ్ వీడియోకు మంచి ఆదరణ దక్కించుకున్నది.ఈ సినిమా కోసం ఆర్య తన బాడీ లాంగ్వేజ్ పూర్తిగా మార్చేశాడు. మేకింగ్ వీడియో చూస్తే ఆర్య ఎంత కష్టపడ్డాడో అర్థమవుతుంది. ఇక సినిమా కూడా ఎంతో ప్రతిష్ఠాత్మకంగా తెరకెక్కించారు. ప్రతి నటుడు విభిన్న లుక్లో కనిపిస్తున్నారు.
ప్రస్తుతం ఈ మూవీ థియేటర్లలో విడుదల చేసే అవకాశం లేకపోవడంతో ఈ నెల 22న అమేజాన్లో స్ట్రీమింగ్ కానున్నది. ఈ సినిమాను థియేటర్లలోనే విడుదల చేయాలని మేకర్స్ ఎదురు చూశారు. అయితే థియేటర్ల ప్రారంభానికి మరింత సమయం పట్టే అవకాశం ఉండడం, విడుదల ఆలస్యం అయ్యే కొద్దీ నష్టం జరిగే అవకాశం ఉండటంతో ఓటీటీలో విడుదల చేయాలని నిర్ణయం తీసుకున్నారు. ఈ సినిమాను అమెజాన్ కొనుగోలు చేసింది.
Also Read
అమీర్ఖాన్పై ఆరోపణలు.. స్పందించిన చిత్ర యూనిట్ ..!
ఛత్రపతి రీమేక్ షూటింగ్ కు ముఖ్య అతిథిగా జక్కన్న..!
చేతినిండా సినిమాలుండే స్టార్ హీరో.. కాలేజ్ డేస్ లో ఏం చేసేవాడో తెలుసా..!