విజయ్ సేతుపతి ఇప్పుడు పాన్ ఇండియా స్థాయిలో విలక్షణ నటుడిగా పేరు తెచ్చుకున్నాడు. ఆయన డేట్స్ కోసం.. అన్ని భాషల నిర్మాణ సంస్థలు ఎదురుచూస్తున్నాయంటే పరిస్థితిని అర్థం చేసుకోవచ్చు. అందుకు తగ్గట్టే విజయ్ కూడా మంచి మంచి పాత్రలను మాత్రమే ఎంపిక చేసుకుంటూ ముందుకు సాగుతున్నాడు. నేరుగా తెలుగులో ఉప్పెన చిత్రంలో నటించగా.. ఈ సినిమా ఘనవిజయం సాధించింది. ఇక విజయ్ సేతుపతికి కూడా ఈ చిత్రంలో వేసిన రాయనం పాత్ర ఎంతో పేరు తీసుకొచ్చింది.
కాగా..విజయ్ మాస్టర్ చెఫ్ అనే ఓ టీవీ ప్రోగ్రాంలో యాంకర్గా చేస్తున్నాడు. ఇటీవల ఈ ప్రోగ్రాంకు సంబంధించిన ట్రైలర్ లాంచ్ కార్యక్రమం జరిగింది. ఈ కార్యక్రమంలో విజయ్ సేతుపతి మాట్లాడుతూ.. ‘ నాకు వంటలంటే ఎంతో ఇష్టం. నేను జీవితంలో చాలా కష్టాలు పడ్డాను. కాలేజీ రోజుల్లో ఓ ఫాస్ట్ ఫుడ్ సెంటర్లో పనిచేసేవాడిని.. సాయంత్రం ఏడు గంటల నుంచి రాత్రి 12:30 గంటలవరకు అక్కడే పనిచేసే వాడిని. అక్కడే భోజనం కూడా చేసేవాడిని.
ఇక నాకు ఇష్టమైన వంట ఉల్లి సమోసా. ప్రస్తుతం ఈ స్నాక్ ఎక్కడా దొరకడం లేదు. కానీ ఇంట్లో ఉంటే మాత్రం సాయంత్రం పూట ఉల్లి సమోసా తిని ఓ టీ తాగుతా’ అంటూ తన జీవితంలో ఎదురైన ఘటనలను పంచుకున్నాడు విజయ్ సేతుపతి. మాస్టర్ చెఫ్ ప్రోగ్రాంపై తమిళప్రేక్షకుల్లో భారీ అంచనాలు నెలకొన్నాయి. అందుకు కారణం విజయ్ సేతుపతి హోస్ట్గా వ్యవహరిస్తుండటమే. ఇక విజయ్ పలు తమిళ, తెలుగు చిత్రాల్లో నటిస్తున్నాడు.
Also Read
నవీన్ పొలిశెట్టితో మూవీకి నో చెప్పిన స్వీటీ..!