నందమూరి బాలకృష్ణ బోయపాటి సినిమాలు అంటే చాలు హై వోల్టేజ్ యాక్షన్ సినిమాలు గుర్తుకొస్తాయి. వారిద్దరి కాంబినేషన్లో వచ్చిన సింహా, లెజెండ్ సినిమాలు ఒకదాన్ని మించి మరొకటి సూపర్ హిట్ అయ్యాయి. వరుస ఫ్లాపుల్లో ఉన్న బాలకృష్ణకు ఉత్సాహాన్ని ఇచ్చాయి. ఈ రెండు సినిమాలు సూపర్ హిట్ తో బాలకృష్ణ రేంజ్ మరో స్థాయికి చేరుకుంది. సింహా, లెజెండ్ సినిమాల్లో యాక్షన్ ఘట్టాలు అదిరిపోయేలా బోయపాటి శ్రీను తెరకెక్కించారు. నందమూరి అభిమానులకు ఈ సినిమాలు బాగా నచ్చాయి.
ఇప్పుడు వీరిద్దరి కాంబినేషన్లో వస్తున్న హ్యాట్రిక్ మూవీ అఖండ పై కూడా అభిమానుల్లో భారీ అంచనాలు ఉన్నాయి. అందువల్లే అఖండ టీజర్ కు యూట్యూబ్ లో రికార్డు స్థాయిలో వ్యూస్ వచ్చాయి. కాగా ఈ మూవీలో బాలకృష్ణ సరసన ప్రగ్యా జైస్వాల్ నటిస్తుండగా శ్రీకాంత్ విలన్ గా నటిస్తున్నాడు. జగపతిబాబు ఓ ముఖ్య పాత్రలో నటిస్తున్నాడు. కాగా ఈ సినిమాలో బాలకృష్ణ రెండు పాత్రల్లో కనిపించనున్నాడు. ఇందులో అగోర పాత్ర ఒకటి.
అఖండ సినిమాలో కూడా సింహా, లెజెండ్ మాదిరే యాక్షన్ ఘట్టాలకు ప్రాధాన్యం ఉంది. ఓన్లీ ఈ సినిమాలో ఫైట్ చిత్రీకరణ కోసమే 80 రోజులు కేటాయించారు అంటే ఈ సినిమాలో యాక్షన్ సీక్వెన్స్ ఏ రేంజ్ లో ఉంటాయో అర్థం అవుతుంది. అఖండ ఇంటర్వెల్ ఎపిసోడ్, ప్రీ క్లైమాక్స్, క్లైమాక్స్ లో వచ్చే యాక్షన్ ఎపిసోడ్ లు అభిమానులకు గూస్ బంప్స్ తెప్పించేలా ఉంటాయని తెలుస్తోంది. ఇటీవల తమిళనాడులో జరిగిన షూటింగ్ తో ఈ చిత్ర షూటింగ్ ముగిసింది. కేవలం 10 రోజుల్లో ప్యాచ్వర్క్ మినహా మొత్తం షూటింగ్ కంప్లీట్ అయింది. ఆగస్టు 15 సందర్భంగా అఖండ మొదటి సింగల్ విడుదల చేయాలని మేకర్స్ భావిస్తున్నారు.
Also Read
నిశ్చితార్థంపై ప్రచారం నిజమే.. త్వరలోనే నయనతార పెళ్లి..!