ఓ పాట హిట్ అయ్యిందా? ఫట్ అయ్యిందా? అని తెలుసుకొనేందుకు వేరే ప్రమాణాలు ఏమీ అక్కర్లేదు. యూట్యూబ్లో విడుదలైన పాటకు ఎన్ని వ్యూస్ వచ్చాయో లెక్కలు తీస్తే సరిపోతుంది. అది ప్రస్తుత ట్రెండ్. ఇప్పటికే తెలుగులో అనేక పాటలు యూట్యూబ్లో రికార్డు స్థాయిలో వ్యూస్ కొల్లగొట్టిన విషయం తెలిసిందే. గత ఏడాది అల్లు అర్జున్ నటించిన అలవైకుంఠపురములో చిత్రంలోని సామజవరగమనా, రాములో రాములా, బుట్టబొమ్మ వంటి పాటలు కోట్లలో వ్యూస్ సాధించాయి.
ఇక యాంకర్ ప్రదీప్ హీరోగా నటించిన 30 రోజుల్లో ప్రేమించడం ఎలా? అనే సినిమాలోని నీలి నీలి ఆకాశం కూడా రికార్డు స్థాయిలో వ్యూస్ సాధించింది. ఇటీవల విడుదలైన లవ్స్టోరీలోని సారంగధరియా పాట కూడా యూట్యూబ్ లో దూసుకుపోతోంది. తాజాగా మెగాస్టార్ చిరంజీవి, ప్రముఖ దర్శకుడు కొరటాల శివ కాంబినేషన్లో తెరకెక్కుతున్న ఆచార్య చిత్రంలోని ‘లాహేలాహే’ అనే ఓ పాట యూట్యూబ్లో సంచలనాలు నమోదు చేస్తున్నది. ఇప్పటికే ఈ పాట 50 లక్షల వ్యూస్ సాధించింది. ఈ మేరకు నిర్మాణ సంస్థ ఇవాళ ఓ అధికారికి ప్రకటన విడుదల చేసింది.
Also Read: నువ్వు బయట ఎంత తోపు అయినా కావచ్చు.. చిరుతను క్షణాల్లో ఈడ్చుకెళ్లిన మొసలి..!
ఆచార్య చిత్రంలో మెగాస్టార్ టైటిల్ రోల్ చేస్తుండగా.. కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్స్ సంయుక్తంగా ఈ చిత్రాన్ని నిర్మిస్తున్నాయి. కొరటాల శివ ఈసినిమానుతెరకెక్కిస్తుండటంతో భారీ అంచనాలు ఏర్పడ్డాయి. ఇప్పటికే ఈ సినిమా మెజార్టీ భాగం షూటింగ్ పూర్తయ్యింది కానీ లాక్డౌన్తో ఇంకా ఈ మూవీ రిలీజ్ కాలేదు.
అయితే హైదరాబాద్ శివారు ప్రాంతం కోకాపేటలో వేసిన టెంపుల్ సెట్లో ఈ ‘లాహే లాహే..’ సాంగ్ను చిత్రీకరించారు. ఈ లిరికల్ సాంగ్ ని యూట్యూబ్లో విడుదల చేయగా రికార్డు వ్యూస్తో దూసుకుపోతున్నది. ఈ పాటకు రామజోగయ్యశాస్త్రి లిరిక్స్ అందించగా .. మణిశర్మ మ్యూజిక్ కంపోజ్ చేశారు. ఇక చిరంజీవి వేసిన స్టెప్పులకు ఫ్యాన్స్ ఫిదా అయిపోతున్నారు. హారిక నారాయణ్, సాహితీ ఆలపించిన ఆ పాట.. కాస్త ఫోక్ స్టయిల్లో ఉంటుంది.
Also Read: తొలకరి కురిస్తే అక్కడ వజ్రాల పంట.. ఇప్పుడక్కడ బంగారు గనుల తవ్వకానికి అనుమతి..!