షూటింగ్ టైంలో సెల్‌ఫోన్ కెమెరాల్లో కొన్ని క్లిప్స్‌ని తీసి సోషల్ మీడియాలో పోస్ట్ చేయడం బాగా జరుగుతోంది. రీసెంట్ గా చిరు నటిస్తున్న ఖైదీ నెం.150 సినిమాకి సంబందించి డాన్స్ లీక్ చేశారు. చిరంజీవి, కాజల్ అగర్వాల్‌పై ఓ సాంగ్ ను చిత్రీకరించగా.. అక్కడే ఉన్న యూనిట్ మెంబర్స్‌లో ఒకరు తన సెల్‌ఫోన్‌లో రికార్డ్ చేసి, ఇంటర్నెట్‌లో పోస్ట్ చేశాడు.
ఇప్పుడా వీడియో సోషల్ మీడియాలో తెగ హల్‌చల్ చేస్తోంది. ఈ చిత్రంపై తారాస్థాయిలో అంచనాలు నెలకొన్న నేపథ్యంలో.. లీకైన ఈ పాటకి సామాజిక మాధ్యమాల్లో అనూహ్యమైన రెస్పాన్స్ వస్తోంది. ఈ పాటలో కాజల్ వయ్యారాలుపోతూ నడుము ఊపుతు స్టెప్ వేయగా, అప్పటివరకు సైలెంట్‌గా ఉన్న చిరు ఒక్కసారిగా ఆమె నడుముని చుట్టేసి స్టెప్ కలిపారు. చిరు ఇచ్చిన ఆ యాక్షన్ చూస్తే.. గతంలో ఉన్న ఎనర్జీనే ఇప్పటికీ ఆయనలో కనిపిస్తుంది. తాను చెప్పిన డైలాగ్‌లాగే.. టైమ్‌లో గ్యాప్ వచ్చిన మాట వాస్తవమే కానీ, టైమింగ్‌లో ఏమాత్రం ఛేంజ్ లేదు.
ఇక ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు శరవేగంగా జరుపుకుంటుంది. ఈ సినిమా ఆడియోని ఈ నెల 25వ గ్రాండ్ గా జరపనున్నారు. సంక్రాంతి కానుకగా ఈ సినిమాని జనవరి 11వ తేదీన ప్రేక్షకుల ముందుకు రాబోతుంది. చాలాకాలం తర్వాత చిరు రీఎంట్రీ ఇస్తుండడంతో.. ఈ చిత్రం పై భారీ అంచనాలు ఉన్నాయి. ఇటివలే రిలీజ్ చేసి టీజర్ కు మంచి స్పందన వస్తుంది.
{youtube}a-9LgGgBcwA{/youtube}
{youtube}MS_yWNMixQQ{/youtube}
Related