ప్రస్తుతం తెలుగు సినీ పరిశ్రమలో మా ఎన్నికల హీట్ నెలకొన్నది. చిరంజీవి సపోర్ట్తో విలక్షణ నటుడు ప్రకాశ్ రాజు బరిలో నిలిచినట్లు వార్తలు వస్తుండగా,మోహన్బాబు తన కుమారుడు విష్ణును పోటీలో నిలబెట్టబోతున్నారు. అయితే మోహన్బాబు సినీ పెద్దల మద్దతు కూడగట్టేందుకు విశ్వ ప్రయత్నం చేస్తున్నారు. ఇప్పటికే ఆయన కృష్ణ, కృష్ణం రాజు వంటి సీనియర్ నటులను కలుసుకున్నారు.
మరోవైపు మా అధ్యక్షుడిగా పక్క రాష్ట్రం వ్యక్తి అవసరమా? అంటూ కొత్త నినాదాన్ని ఎంచుకున్నారు. కానీ ప్రకాశ్రాజ్ కు చిరంజీవి అండదండలు ఉన్నాయని అంటుండటంతో పోటీ రసవత్తరంగా మారింది. ఈ సారి తాను కూడా పోటీ చేయబోతున్నట్టు జీవితా రాజశేఖర్ ప్రకటించారు.అంతేకాక ఆమెకు నందమూరి బాలకృష్ణ మద్దతు తెలుపుతున్నాడని సమాచారం. దీంతో అసలు ఆట మొదలైంది. పోటీ ప్రకాశ్ రాజ్, మంచు విష్ణు మధ్య ఉంటుందని భావించగా జీవిత రాజశేఖర్ ఎంట్రీ ఇవ్వడం .. ఆమెకు బాలయ్య బాబు సపోర్ట్ చేస్తున్నట్టు వార్తలు రావడం ఆసక్తికరంగా మారింది.
అయితే పవన్కల్యాణ్, మహేశ్బాబు, ఎన్టీఆర్ ఎటువైపు నిలవబోతున్నారో ఇంకా క్లారిటీ లేదు. నిజానికి సీనీ పరిశ్రమలో రెండు సామాజిక వర్గాలదే పెత్తనం.. ప్రతి సారి ఆ మార్కు కచ్చితంగా కనిపిస్తుంది. ఈ సారి పోటీ మాత్రం ఆసక్తికరంగా మారింది. అసెంబ్లీ ఎన్నికలను తలపించేలా మా ఎన్నికలు జరగబోతున్నట్టు ఫిలింనగర్లో గుసగుసలు వినిపిస్తున్నాయి.
Also Read