సినిమా రిచ్గా రావాలంటే నిర్మాణ సంస్థ వందల కోట్లు ఖర్చు పెడతాయని తెలిసిందే. కానీ ఓ సిరియల్ తీయడానికి ఏకంగా 150 కోట్లు బడ్జెట్ కేటాయించడం అంటే మామూలు విషయం కాదు. మీరు వింటున్నది నిజమే. హిందీ బుల్లితెర ప్రేక్షకులను అలరిస్తున్న మోస్ట్ పాపులర్ సీరియల్స్లో ‘నాగిని’ ఒకటి. 2015లో ప్రారంభమైన ఈ సీరియల్ ఇప్పటివరకు ప్రేక్షకులను ఆకటుకుంటూనే ఉంది. తెలుగులో కూడా ‘నాగిని’ మొదటి రెండు సీజన్లను ప్రసారం చేశారు.
ఈ సీరియల్కు తెలుగు ప్రేక్షకుల నుంచి మంచి ఆదరణే లభించింది. ఇప్పుడు తాజాగా ఈ సీరియల్ ఆరో సీజన్ రాబోతోంది. ఇందులో హిందీ బిగ్బాస్ సీజన్ 15 విన్నర్ తేజస్వీ ప్రకాష్ ప్రధాన పాత్రలో అలరించనుంది. అయితే నాగిని ఆరో సీజన్ కూడా నిర్మాతలు భారీగా ఖర్చుపెడుతున్నారన్న సమాచారం చక్కర్లు కొడుతోంది. బాలీవుడ్ లైఫ్ నివేదిక ప్రకారం..ఈ సీజన్ను రూ. 130 కోట్ల భారీ బడ్జెట్తో రూపొందించినట్లు సమాచారం.
ఒకవేళ ఈ సీజన్ అంతగా హిట్ కాకపోతే వచ్చే సంవత్సరం నుంచి ఈ ఫ్రాంచైజీని ఆపేయాలని భావిస్తోంది నిర్మాత ఎక్తా కపూర్. ఈ భారీ బడ్జెట్తో ఒక సినిమానే తీయొచ్చని ఎక్తాకు పలువురు చెప్పినా ఆమె వినలేదని తెలుస్తోంది. నాగిని 6లో విజువల్ ఎఫెక్ట్స్ భారీగా ఉంటాయని సమాచారం. ఈ సీజన్ ఫిబ్రవరి 12 నుంచి కలర్స్ ఛానెల్లో ప్రతీ శనివారం, ఆదివారం ప్రసారం కానుంది. చూడాలి మరి నాగిని ఆరో సీజన్ ప్రేక్షకులను ఏ మాత్రం అలరిస్తుందో ..!