బాలయ్య – బోయపాటి కాంబినేషన్ లో అఖండ మూవీ తెరకెక్కుతున్న విషయం తెలిసిందే. వీరిద్దరి కాంబోలో వచ్చిన సింహా, లెజెండ్ బంపర్ హిట్ కావడంతో.. ఈ మూవీపై అభిమానుల్లో భారీ అంచనాలు నెలకొన్నాయి. గత ఏప్రిల్ 13న ఈ చిత్రానికి సంబంధించిన.. టైటిల్ రోర్ విడుదలైంది. ఈ వీడియో యూట్యూబ్లో రికార్డులు క్రియేట్ చేసింది. అయితే ఈ సినిమాలో బాలయ్య .. అఘోరాగా నటిస్తున్నట్టు ఆ వీడియోలో చూపించారు. వీడియోలోని డైలాగ్ ఫ్యాన్స్కు పూనకాలు తెప్పించింది. ఈ సినిమాలో శ్రీకాంత్ విలన్గా, ప్రగ్యాజైస్వాల్, పూర్ణ హీరోయిన్లుగా చేస్తున్నారు.
తాజాగా అఖండ టీం .. బాలయ్య మరో పిక్ను విడుదల చేసింది. రేపు అంటే జూన్ 10న బాలయ్య పుట్టినరోజు. ఇక ఒకరోజు ముందుగానే పిక్ రావడంతో ఫ్యాన్స్ ఖుషీ అవుతున్నారు. తమ సోషల్ మీడియా ఖాతాలకు డీపీగా పెట్టుకుంటున్నారు. టీజర్ కు భారీగా రెస్పాన్స్ రావడంతో ఈ సినిమాపై భారీ అంచనాలు నెలకొన్నాయి. లెజెండ్లో జగపతి బాబు విలన్గా చేసి ఎంతో పేరుతెచ్చుకున్నాడు. ఆ తర్వాత ఆయనకు వరుస ఆఫర్లు వచ్చాయి. ఇక శ్రీకాంత్ కూడా అటువంటి ప్రయోగమే చేయడం గమనార్హం.
Also Read : స్టార్ హీరోలూ.. రెమ్యూనరేషన్ కాస్త తగ్గించుకోండి బాబూ..
తన బర్త్డే వేడుకలకు ఎవరూ హడావుడి చేయొద్దని బాలయ్య ఇప్పటికే ఫ్యాన్స్కు సూచించారు. తనను చూసేందుకు రావొద్దని విజ్ఞప్తి చేశారు. అందరూ ఇంటి దగ్గర జాగ్రత్తగా ఉంటే .. అదే తనకు ఇచ్చే పెద్ద గిఫ్ట్ అంటూ ఆయన మాట్లాడారు. మరోవైపు బాలయ్య.. స్టార్ డైరెక్టర్ గోపిచంద్ మలినేని, అనిల్ రావిపూడితోనూ సినిమాలు చేస్తున్నట్టు వార్తలు వచ్చాయి. ఇందుకు సంబంధించిన అధికారిక ప్రకటనలు రాలేదు.