సామాజిక సేవా కార్యక్రమాలు చేయడంలో అమీర్ ఖాన్ ముందుంటాడన్న విషయం తెలిసిందే. గతంలో సత్యమేవ జయతే అనే షో ద్వారా ఎన్నో మంచి విషయాలు చెప్పేవాడు తప్పులపై ప్రశ్నించేవాడు. సత్యమేవ జయతే షో ద్వారా ఎంతో మంచి పేరు తెచ్చుకున్నాడు అమీర్. తరుచూ సామాజిక అంశాలపై తనదైన స్టయిల్లో వ్యాఖ్యానిస్తూ ఉంటాడు. అయితే తాజాగా అమీర్ ఖాన్పై నెటిజన్ల నుంచి ఓ రేంజ్లో విమర్శలు వచ్చాయి. ఇంతకీ విషయం ఏమిటంటే..
అద్వైత్ చందన్ దర్శకత్వంలో అమీర్ హీరోగా “లాల్ సింగ్ చద్దా” అనే చిత్రం తెరకెక్కుతున్న విషయం తెలిసిందే. పాన్ ఇండియా మూవీగా దీన్ని తెరకెక్కిస్తున్నారు. ఇక టాలీవుడ్ నటుడు నాగ చైతన్య సైతం ఈ మూవీలో ఓ పాత్ర చేస్తున్నాడు. ప్రస్తుతం లడ్డాఖ్ లో ఈ మూవీ షూటింగ్ జరుగుతోంది. అయితే షూటింగ్ జరుగుతున్న ప్రాంతాన్ని ఓ నెటిజన్ వీడియో తీసి సోషల్ మీడియాలో పోస్ట్ చేశాడు. అయితే ఈ వీడియోలో చిత్ర యూనిట్ పడేసిన వాటర్ బాటిల్స్ కనిపిస్తున్నాయి. దీంతో నెటిజన్లు మండిపడుతున్నారు.
‘అమీర్ భాయ్ పర్యావరణం గురించి నీతి వాక్యాలు చెబుతావు. మరి ఇదేంటి’ అంటూ నెటిజన్లు ప్రశ్నల వర్షం కురిపిస్తున్నారు. మరికొందరు అమీర్ ఖాన్ను వెనకేసుకొస్తున్నారు. చిత్ర యూనిట్ చేసిన పనికి అమీర్ ఖాన్ను బాధ్యుడు చేయడం సరికాదంటూ మరికొందరు వ్యాఖ్యానించారు. తన భార్యకు విడాకులు ఇవ్వడంతో ఇటీవల అమీర్ ఖాన్ వార్తల్లో నిలిచాడు. తాజాగా మరోసారి వివాదంలో చిక్కుకున్నాడు అమీర్ ఖాన్.
Also Read
క్లాసిక్ ఈ కాంబినేషన్ మరోసారి రిపీట్..!