రాజకీయాలకు బ్రేక్ ఇచ్చిన తర్వాత పవర్ స్టార్ పవన్ కల్యాణ్ హీరోగా నటించిన వకీల్ సాబ్ చిత్రం సంచలన విజయం సాధించిన విషయం తెలిసిందే. బాలీవుడ్లో విజయం సాధించిన పింక్ మూవీ రీమేక్ వకీల్సాబ్. తెలుగు నెటివిటీకి తగ్గట్టుగా ఈ కథలో అనేక మార్పులు చేశాడు దర్శకుడు వేణు శ్రీరామ్. దీంతో ఈ మూవీ ఇక్కడ సంచలన విజయం సాధించింది.
లాంగ్ బ్రేక్ తర్వాత పవర్ స్టార్కు సూపర్ సక్సెస్ వచ్చింది. ఇదిలా ఉంటే ఇప్పటికే ఓటీటీ అమేజాన్ ప్రైమ్లో ఈ సినిమా విడుదలైంది. డిజిటల్ ప్రేక్షకుల నుంచి కూడా ఈ చిత్రానికి మంచి రెస్సాన్స్ వచ్చింది. ఇప్పుడు బుల్లితెరపై అభిమానులను అలరించడానికి వకీల్ సాబ్ టీవీలో ప్రసారం కాబోతున్నది. అతి త్వరలోనే జీ తెలుగులో ఈ చిత్రం ప్రసారం కాబోతున్నదట. ఈ మేరకు జీ తెలుగు ఓ ట్వీట్ చేసింది.
‘గుండెతో స్పందిస్తాడు.. అండగా చెయ్యందిస్తాడు’ అంటూ జీ తెలుగు ట్వీట్ చేసింది. అయితే ఈ మూవీ ఏ తేదీన ప్రసారం చేస్తారు? అనే విషయంపై ఇంకా క్లారిటీ లేదు. మొత్తానికి థియేటర్లలో కలెక్షన్లు కొల్లగొట్టిన వకీల్ సాబ్.. త్వరలోనే టీవీ ప్రేక్షకులను కూడా అలరించబోతున్నాడన్నమాట. ఈ సినిమాలో వీక్షించేందుకు టీవీ ప్రేక్షకులు కూడా ఎంతగానో ఎదురు చూస్తున్నారు.
Also Read
సోనూ సూద్ .. చెర్రీ మధ్య భీకర ఫైట్..! ప్లాన్ చేసిన కొరటాల..!