బాలీవుడ్లో అగ్ర నటిగా ఎదిగిన ప్రియాంక చోప్రా. ఆ తర్వాత హాలీవుడ్కు వెళ్లిపోయింది. అక్కడ కూడా ఎంతో గుర్తింపు తెచ్చుకున్నది. ప్రపంచ ప్రఖ్యాత గాయకుడు నిక్ జోనాస్ను వివాహం చేసుకున్న ప్రియాంక .. హాలీవుడ్లో అగ్రకథానాయికగా ఎదిగేందుకు ట్రై చేస్తోంది. ఇదిలా ఉంటే ప్రియాంక చోప్రాపై బయోపిక్ తీయాలని ఎప్పటినుంచో బాలీవుడ్లో టాక్ వినిపిస్తోంది. ఇటీవల ఓ ఇంటర్వ్యూలో ప్రియాంకతో ఈ విషయాన్ని ప్రస్తావించాడు ఓ జర్నలిస్ట్.
దీనిపై ప్రియాంక స్పందిస్తూ.. ‘ దయచేసి నా మీద బయోపిక్ తీయకండి. నేను ఇంకా సాధించాల్సింది చాలా ఉంది. అప్పుడే నన్ను గొప్పదాన్ని చేసేయకండి’ అంటూ ఆమె వ్యాఖ్యానించింది. ప్రస్తుతం టాలీవుడ్, బాలీవుడ్, కోలివుడ్లో బయోపిక్ల ట్రెండ్ నడుస్తోంది. ముఖ్యంగా క్రీడాకారులు, సినీ నటులు, రాజకీయ ప్రముఖులపై బయోపిక్లు రూపొందిస్తున్నారు మేకర్స్.
Also Read: తాజా రాజకీయాలపై ‘ఆచార్య’ లో పంచ్లు
ఈ క్రమంలో హాలీవుడ్ స్థాయికి ఎదిగిన ప్రియాంకా చోప్రాపై బయోపిక్ రాబోతుందని టాక్ వినిపించింది. తమిళ చిత్రం ‘తమిజాన్‌’తో నాయికగా ప్రియాంక చోప్రా సినీ కెరీర్ ప్రారంభమైంది. ఇక ఆ తర్వాత బాలీవుడ్లో అడుగుపెట్టి వరస విజయాలతో ఆమె దూసుకుపోయింది. హాలీవుడ్లోనూ అవకాశాలు దక్కించుకున్నది. ప్రస్తుతం ఆమె చేతిలో ‘మాట్రిక్స్‌’, ‘టెక్ట్స్‌ ఫర్‌ యు’తో పాటు పలు హాలీవుడ్ చిత్రాలు ఉన్నాయి. ఇక ప్రియాంక చోప్రా.. నిక్ జోనాస్ జంట ఎంతో పాపులర్. వీళ్లిద్దరూ తరుచూ వివిధ వేదికల మీద కనిపిస్తూ సందడి చేస్తుంటారు.
Also Read: చైతూకు నో చెప్పిన బేబమ్మ..! రీజన్ ఏమిటో?