ఇళయ దలపతి విజయ్.. నెల్సన్ దిలీప్ కుమార్ దర్శకత్వంలో బీస్ట్ అనే చిత్రంలో నటిస్తున్న విషయం తెలిసిందే. విజయ్కు తమిళనాడులో ఏ రేంజ్లో మాస్ ఫాలోయింగ్ ఉంటుందో ప్రత్యేకంగా చెప్పనక్కర్లేదు. ఇదిలా ఉంటే ఇప్పటికే విడుదలైన బీస్ట్ ఫస్ట్లుక్ అంచనాలను అమాంతం పెంచేసింది. ఇక బుట్టబొమ్మ పుజాహెగ్డే ఈ చిత్రం ద్వారా తమిళ ఇండస్ట్రీలోకి అడుగుపెట్టబోతుంది. ఇక ఈ సినిమాకు సంబంధించిన ప్రతి అప్డేట్ ఓ సంచలనంగానే మారింది.
ఈ మూవీలో బాలీవుడ్ అగ్రనటుడు షారూఖ్ఖాన్ అతిథి పాత్రలో చేయబోతున్నట్టు టాక్. ఇక షారూక్ నటిస్తే ఈ మూవీ రేంజ్ మరింత పెరుగుతుందని ఫ్యాన్స్ భావిస్తున్నారు. ప్రస్తుతం ఇందుకు సంబంధించిన వార్త తమిళమీడియాలో జోరుగా వినిపిస్తోంది. ఇక ఈ సినిమాను పాన్ ఇండియా మూవీగా తెరకెక్కించబోతున్నారు. తెలుగులో పేరు మారుస్తారా? లేక ఇదే పేరుతో విడుదల చేస్తారా? వేచి చూడాలి.
Also Read: ‘ఐకాన్’ తో సుకుమార్ కు భలే చిక్కొచ్చి పడిందే..!
విజయ్ కి తెలుగులోనూ మంచి మార్కెట్ ఉంది. తాజాగా ఈ మూవీలో షారూఖ్ నటిస్తుండటంతో బాలీవుడ్లోనూ మంచి మార్కెట్ సొంతం చేసుకోవడం ఖాయమని సినీ పండితులు అంచనా వేస్తున్నారు. ఇక షారూఖ్ ఖాన్ ఎటువంటి పాత్ర చేయబోతున్నారు? అన్న విషయం వేచి చూస్తూనే తెలుస్తుంది.
Also Read: పవన్ ఫ్యాన్స్ ని ఊరిస్తున్న హరీష్ శంకర్..!