పవర్ స్టార్ పవన్ కళ్యాణ్ తొలిసారిగా పాన్ ఇండియా కేటగిరీలో చేస్తున్న సినిమా హరిహర వీరమల్లు. ఈ సినిమాకు క్రిష్ దర్శకత్వం వహిస్తున్నాడు. ఖుషీ ఫేమ్ ఏఎం రత్నం నిర్మాతగా వ్యవహరిస్తున్నాడు. ఈ సినిమాలో నిధి అగర్వాల్ హీరోయిన్ గా నటిస్తుండగా బాలీవుడ్ హీరోయిన్ జాక్వెలైన్ ఫెర్నాండెజ్ ఓ ప్రత్యేక పాత్రలో నటిస్తోంది. ఈ సినిమా షూటింగ్ కొన్ని నెలల కిందటే ప్రారంభించిన కరోనా వైరస్ వ్యాప్తి కారణంగా చాలా రోజుల పాటు షూటింగ్ ఆగిపోయింది.
అతి త్వరలోనే ఈ సినిమా నూతన షెడ్యూల్ ప్రారంభం కానుంది. హరిహర వీరమల్లు నుంచి ఇప్పటికే వచ్చిన పవన్ ఫస్ట్ లుక్ పోస్టర్ కి భారీగా రెస్పాన్స్ వచ్చింది. ఇప్పుడు ఈ సినిమా నుంచి మరో సర్ ప్రైజ్ ఇవ్వనున్నారు. సెప్టెంబర్ 2న పవన్ కళ్యాణ్ బర్త్ డే సందర్భంగా హరిహర వీరమల్లు నుంచి స్పెషల్ మేకింగ్ వీడియో విడుదల చేయనున్నట్లు సమాచారం.
హరిహర వీరమల్లు మొగలాయిల కాలం నాటి కథతో రూపొందుతోంది. ఈ సినిమాలో పవన్ క్యారెక్టర్ రాబిన్ హుడ్ తరహాలో ఉంటుందని తెలుస్తోంది. ప్రస్తుతం పవన్ కళ్యాణ్ సాగర్ చంద్ర దర్శకత్వంలో ఓ మలయాళ సినిమాలో నటిస్తున్నారు. ఈ సినిమా సంక్రాంతి కానుకగా జనవరి 12న విడుదల కాబోతోంది. ఇక భారీ చిత్రంగా తెరకెక్కుతున్న హరిహర వీరమల్లు వేసవి కానుకగా విడుదల అయ్యే అవకాశం ఉందని సమాచారం.
Also Read
చిరు చేసిన తప్పే బన్నీ చేస్తున్నాడా..!