బిగ్బాస్ సీజన్ వచ్చేస్తుందంటే చాలు ప్రేక్షకుల్లో ఎక్కడ లేని ఉత్సాహం వస్తుంది. ఇంటి సభ్యులుగా ఎవరు రాబోతున్నారు? హోస్ట్ ఎవరు? తదితర విషయాలపై ఎనలేని ఆసక్తి ఉంటుంది. ఈ షోలో పాల్గొనేందుకు మొదట్లో సెలబ్రిటీలు సైతం ఆసక్తి కనబరిచేవారు. కానీ రాను రాను టాప్ సెలబ్రిటీలకు ఇంట్రెస్ట్ తగ్గింది. అందుకు కారణం.. బిగ్బాస్తో ఉన్న ఇమేజ్ డ్యామేజ్ అవుతుండడమే. ప్రస్తుతం టిక్టాక్ స్టార్లు, యూట్యూబ్ స్టార్లు మాత్రమే బిగ్బాస్ షోల మీద ఆసక్తి కనబరుస్తున్నారు.
పెద్ద పెద్ద స్టార్లు కేవలం భారీగా రెమ్యునరేషన్ ఆఫర్ చేస్తే మాత్రమే ఈ షోకు ప్పుకుంటున్నారు. ఇదిలా ఉంటే తమిళ బిగ్బాస్ మొదటి నుంచి ఆసక్తికరంగా మారుతున్న విషయం తెలిసిందే. కమల్ హాసన్ వరసగా తమిళ బిగ్బాస్ను హోస్ట్ చేస్తుండటంతో ఈ షోకు ఎనలేని క్రేజ్ వచ్చి పడింది. ఇక కమల్ హాసన్ కూడా తనదైన స్టయిల్లో ఆకట్టుకుంటూ ఉంటారు. ఈ సారి కమల్ హాసన్ హోస్ట్ చేస్తారా? లేదా? అన్న విషయంపై ఆసక్తి నెలకొన్నది.
Also Read: ఆర్ఆర్ఆర్ : అలియాభట్ కు కళ్లు చెదిరే రెమ్యునరేషన్..!
ప్రస్తుతం కమల్ చేతిలో ఇండియన్- 2, విక్రమ్ సినిమాలు ఉన్నాయి. మరోవైపు దృశ్యం తమిళ రీమేక్లోనటిస్తున్నాడు. ఇవి కాక మరికొన్ని ప్రాజెక్టులు కూడా లైన్ లో ఉన్నాయి.మరోవైపు కమల్ రాజకీయాల్లోనూ ఉన్నాడు. దీంతో ఈ సారి కమల్ హాసన్ బిగ్బాస్ ను హోస్ట్ చేయడం లేదు. ఆ స్థానంలోకి మరో టాప్హీరో శింబూ రాబోతున్నాడని తమిళ మీడియాలో వార్తలు వస్తున్నాయి. ఈ విషయంపై బిగ్బాస్ షో నిర్వాహకులు ఇంకా క్లారిటీ ఇవ్వలేదు.
అయితే కమల్ హాసన్ వరసగా ఐదు సీజన్లలో హోస్ట్ చేసేందుకు బిగ్బాస్ యాజమాన్యంతో ఒప్పందం చేసుకున్నారట. ఇప్పటికే వరసగా 4 సీజన్లలో హోస్ట్ చేశాడు. ఒప్పందం ప్రకారం ఈ సారి కూడా హోస్ట్ చేసే అవకాశం ఉందని సమాచారం. అయితే ఈ సారి శింబూ కు అవకాశం ఇచ్చి.. తర్వాత సీజన్లో కమల్ వస్తాడా? అన్న విషయంపై క్లారిటీ లేదు. కానీ కమల్ హాసన్ ఒప్పందం ప్రకారం ఈ సారి కూడా హోస్ట్ చేయబోతున్నట్టు వార్తలు వస్తున్నాయి.
Also Read: సౌత్లో బన్నీ కొత్త రికార్డ్.. విజయ్ ని కూడా దాటేశాడే..!