పవర్ స్టార్ పవన్ కళ్యాణ్ ప్రస్తుతం డాలీ దర్శకత్వంలో కాటమ రాయుడు అనే సినిమాలో నటిస్తున్నాడు. ఈ రోజు నుంచి ఈ సినిమా రెండో షెడ్యూల్ స్టార్ట్ అయ్యింది. ఈ షెడ్యూల్ షూటింగ్ లో 24 నుంచి పవన్ పాల్గొననున్నారు. పవర్ స్టార్ ఫ్యాక్షనిస్ట్ గా నటిస్తున్న ఈ సినిమాని శరత్ మరార్ నిర్మిస్తున్నారు.
అయితే ఈ సినిమాలో పవర్ స్టార్ యాక్షన్ మాత్రమే కాకుండా ఇద్దరు హీరోయిన్లతో రొమాన్స్ కూడా చేయనున్నారు. ఓ హీరోయిన్ గా శృతిహాసన్ ఖరారు కాగా.. మరో ప్రియురాలిగా కీచక, టైటానిక్ సినిమాల్లో క్యూట్ గా కనిపించి యువకుల మనసు దోచుకున్న యామిని భాస్కర్ కనిపించనున్నారు. ఈ హీరోయిన్ కూడా త్వరలో షూటింగ్ లో పాల్గొనబోతుంది.
ఈ సినిమాలో పవన్ కి తమ్ముళ్లుగా శర్వానంద్, నవీన్ చంద్ర, విజయ్ దేవరకొండ లు నటిస్తుండగా అనూప్ రూబెన్స్ సంగీత ఈ సినిమాకి సంగీతం అందిస్తున్నారు. తమిళంలో అజిత్ హీరోగా వచ్చిన “వీరమ్” సినిమా కథకు రాయల సీమ నేపథ్యాన్ని జోడించి పవన్ అభిమానుల అంచనాలకు మించేలా “కాటమరాయుడు”ని డాలీ తెరకెక్కిస్తున్నారు.
Related