కేజీఎఫ్ మూవీ దేశ వ్యాప్తంగా ఎంత సంచలన విజయం సాధించిందో అందరికీ తెలిసిందే. అందుకే కేజీఎఫ్ చాప్టర్- 2 ఎప్పుడెప్పుడు వస్తుందా..అని సినీ అభిమానులు ఎదురుచూస్తున్నారు. కేజీఎఫ్ దక్షిణాది చిత్ర పరిశ్రమతో పాటు బాలీవుడ్లో కూడా సంచలన విజయం సాధించింది. కన్నడ చిత్రమైన కేజీఎఫ్ను ప్రశాంత్ నీల్ తెరకెక్కించగా.. యశ్ హీరోగా నటించారు.
అప్పటి వరకు హీరో యశ్ అంటే కన్నడ సినీ ఇండస్ట్రీ వాళ్లకు మాత్రమే తెలుసు. కేజీఎఫ్ దేశ వ్యాప్తంగా అన్ని భాషల్లోకి డబ్ అయి అన్ని వర్గాల ప్రేక్షకులను ఆకట్టు పోవడంతో అతడి పేరు ఇండియా లెవెల్ లో మార్మోగుతోంది. ఇక బాలీవుడ్, కోలీవుడ్, టాలీవుడ్ అనే తేడా లేకుండా అన్ని భాషల స్టార్ హీరోలు ప్రశాంత్ నీల్తో సినిమా చేయాలని భావిస్తున్నారంటే ఆ మూవీకి ఎంత క్రేజ్ వచ్చిందో ప్రత్యేకంగా చెప్పనక్కర్లేదు. ఇప్పటికే విడుదలైన కేజీఎఫ్ -2 టీజర్ దేశ వ్యాప్తంగా అన్ని భాషల్లో సంచలనం సృష్టించింది. వ్యూస్, లైక్స్లో టాప్లో ఉంది.
Also Read: సీక్వెల్.. ఇప్పుడిదే సక్సెస్ ఫార్ములా?
కేజీఎఫ్- 2 సినిమాను జూలై 16న విడుదల చేయాలని నిర్మాతలు ముందుగా భావించారు. కానీ ప్రస్తుత కరోనా పరిస్థితుల్లో అది సాధ్యమయ్యేలా లేదు. ఎందుకంటే ఈ చిత్రాన్ని దేశవ్యాప్తంగా విడుదల చేయాలనుకున్నారు. అయితే అన్ని రాష్ట్రాల్లో కరోనా ఇంకా పూర్తిస్థాయిలో అదుపులోకి రాలేదు. మహారాష్ట్ర వంటి రాష్ట్రాల్లో కేసులు నమోదవుతున్నాయి. దీంతో దేశవ్యాప్తంగా అన్ని రాష్ట్రాల్లో కరోనా తగ్గి.. 100 శాతం ఆక్యుపెన్సీతో థియేటర్లు ఓపెన్ చేసే పరిస్థితి ఉన్నప్పుడు ఈ మూవీని విడుదల చేయాలని నిర్మాతలు భావిస్తున్నారు. మరోవైపు దర్శకుడు ప్రశాంత్ నీల్.. ప్రభాస్తో సలార్ అనే ఓ మూవీని తీస్తున్నాడు.
Also Read: బీ టౌన్ పై తెలుగు అగ్ర హీరోల కన్ను..!